గర్భంలోని శిశువు ఎదుగుదల ఎలా?

గర్భవతికి ప్రతివారం శారీరకంగా కొన్ని మార్పులు వస్తూనేవుంటాయి. బేబీ కూడా వారానికో రీతిలో ఎదుగుదల చూపుతూనే వుంటుంది. మహిళ, ఆమె బిడ్డ ఆరోగ్యంగా వుండాలంటే కొన్ని ఆరోగ్య జాగ్రత్తలు తీసుకోవాలి. గర్భం నిర్ధారణ అవగానే ప్రతివారూ డెలివరీ తేదీ ఎపుడు కాగలదంటూ అడిగేస్తూంటారు. ఈ విషయంలో మీ వైద్య జాగ్రత్తలు చూసే డాక్టర్ షుమారుగా ఏ తేదీకి కాన్పు జరుగుతుందనేది మీరు చివరిసారిగా అయిన పిరీయడ్ బట్టి చెపుతుంది. కాన్పు షుమారుగా మీ పిరియడ్ అయిన మొదటి తేదీ నుండి 40 వారాలకు అవుతుంది.

అయితే అప్పటికి మీ కడుపులోని బేబీకి 38 వారాలు మాత్రమే వుంటాయి. మీ చివరి పిరీయడ్ అయినప్పటినుండి రెండు వారాలపాటు, బేబీ గుడ్డు దశలోనే వుంటుంది. మీకు ఈ రకంగా అంచనా వేయబడిన కాన్పు తేదీ షుమారుగా మాత్రమే అని గుర్తుంచుకోండి. చాలామంది పిల్లలు 38 నుండి 42 వారాలలోపు పుడతారు. చాలా కొద్ది మంది మహిళలు మాత్రమే డాక్టర్లు నిర్ణయించిన షుమారు తేదీలకు కాన్పు పొందుతారు.

ఇక గర్భిణీ తొమ్మిదినెలల కాలంలోను 1వ వారం నుండి 12 వ వారం వరకు మొదటి త్రైమాసికం, 13 నుండి 26 వరకు రెండవ త్రైమాసికం, 27 నుండి కాన్పు అయ్యే వరకు మూడవ త్రైమాసికంగా లెక్కించాలి. మూడవ త్రైమాసికం చివరలో మహిళ ప్రసవం అయిపోతుంది. ప్రధానంగా చివరి నాలుగు వారాలు ఆమెకు ఎంతో శ్రమ కలిగిస్తాయి.