పిల్స్ విఫలం కాకుండా వుండాలంటే!

గర్భనిరోధక మాత్రలు అన్ని మెడికల్ షాపులలోను నేడు లభ్యమవుతున్నాయి. వీటికి డాక్టర్ల మందుల చీటీ కూడా అవసరం లేదు. ఇటువంటి వాటిని ఓవర్ ది కౌంటర్ డ్రగ్స్ అని పిలుస్తారు. మహిళకు గల రుతుక్రమం మేరకు ఈ మాత్రలు 28 రోజులకు రెండు ప్యాకెట్లుగా పేక్ చేయబడి లభిస్తాయి. 21 పిల్స్ వున్న ప్యాకెట్ మూడు వారాలు వాడి, ఒక వారం మాత్రలు లేకుండా వుండాలి. 28 మాత్రలు వున్న ప్యాకెట్ అయితే 21 పిల్స్ వాడటం మిగిలిన ఏడు రోజులకు షుగర్ పిల్స్ వాడటం చేయాలి.

ప్రతిరోజూ గర్భ నిరోధక మాత్రలను క్రమం తప్పకుండా ఒకే సమయంలో తీసుకోవాలి. రుతుక్రమం అయినప్పటికి తీసుకోవాలి. రోజులో ఏ సమయమనేది మీరే నిర్ణయించుకోవచ్చు. ఒక సారి నిర్ణయించుకుంటే ఇక ఆసమయంలో తప్పక తీసుకోవాలి. పిల్ వేసుకోవటం మూడు గంటలకు పైగా కనుక ఆలస్యం అయితే ప్రెగ్నెన్సీ వచ్చే అవకాశం వుంది.