ఎనిమిదోనెల గర్భవతి లక్షణాలెలావుంటాయి?

Pre Natal

oi-Nageswara

By B N Sharma

Published: Thursday, February 16, 2012, 10:14 [IST]

ఒక తల్లిగా కడుపులోని బిడ్డ గురించి ఆలోచిస్తారు. బిడ్డ పూర్తిగా రూపు దిద్దుకుంటుంది. పుట్టేందుకు సిద్ధంగా వుంటుంది. కళ్ళు మూయటం, తెరవటం చేస్తుంది. గోళ్ళు పెరుగుతాయి. మాడుపై వెంట్రుకలు వస్తాయి. తల్లి గర్భం పెద్ద పొట్టగా వుంటుంది. ఎక్కువసేపు విశ్రాంతి కోరుతుంది. ఈ సమయంలో ఆమె శరీరానికి కొన్ని స్ట్రెచ్ అప్ లు, సిట్ అప్ లు, చిన్నపాటి వ్యాయామాలు చేసి తన కటి ప్రదేశాన్ని గట్టిపరచాలి.

డెలివరీ తర్వాత తనకు బిడ్డకు తీసుకోవలసిన జాగ్రత్తలకై పుస్తకాలు చదవాలి. లేదా ఆన్ లైన్ వెబ్ సైట్లు పరీక్షించాలి. బిడ్డకు పాలు పట్టటం, తాను మరోమారు స్లిమ్ అయి, పొట్టపై గుర్తులు పోగొట్టుకోవడం వంటివి తెలుసుకోవాలి. ఎప్పటికపుడు తన మనసును ఇటువంటి విషయాలతోమాత్రమే నింపుకోవాలి.

ఇక బిడ్డ డెలివరీ ఎప్పుడైనా కావచ్చు. కనుక ఆమెకు కొద్దిపాటి అసౌకర్యం, చికాకులు, శ్వాస కష్టమవటం, నిద్ర పట్టకపోవడం, బేబీ కడుపులో తంతూ వుండటం, మొదలైనవి వుంటాయి. ఈ సమస్యలకు పరిష్కారంగా ఆమె మోకాళ్ళ కింద లేదా పక్కలందు ఒక తలగడ వుంచుకోవడం, వంటివి చేయాలి. బేబీ ముందుగానే పుట్టేస్తే, ఇక బేబీ పట్ల ఎంతో శ్రధ్ధ వహించాలి. కనుక సరిగ్గా ఆహారం తీసుకోవడం, నిద్రించడం, ప్రశాంతంగా వుండటం వంటివి ఆచరించాలి. ఎనిమిదో నెలలో, తరచుగా మూత్రం పోయడం, కడుపులో నొప్పి, అజీర్ణం, మలబద్ధకం, ముక్కు, చిగుళ్ళు రక్తం కారటం, వెన్ను, కాళ్ళు నొప్పులు, మొదలైనవి సాధారణంగా వుంటాయి. చివరి నెలలలో ఈ సమస్యలు లేకుంటే వారు అదృష్టవంతులే.