గర్భవతులకు పోషకాహార చిట్కాలు!

కాబోయే తల్లులకు అదనంగా ప్రతిరోజూ 300 కిలో కేలరీల పోషకాహారం కావాలి. వీరు ఉద్యోగాలు చేసే వారైతే, నెలలు పెరిగే కొద్ది, కేలరీల అవసరం పెరుగుతుంది. వారు ప్రయాణించేటపుడు అదనంగా కొన్ని శాండ్ విచ్ లు, చాకోలేట్ బార్లు, డ్రై ఫ్రూట్లు, మిల్క్ షేక్ లేదా పండ్ల రసాలవంటివి తమ బ్యాగ్ లో వుంచుకోవాలి. పని చేసే గంటలు అధికంగా వుంటే, ప్రతి నాలుగు గంటలకు కొద్దిపాటి సమయం విశ్రాంతి తీసుకోవాలి. రాత్రి పొద్దు పోయేటంతవరకు శ్రమించకండి. ప్రతి రాత్రి 8 నుండి 9 గంటల నిద్ర పోయి, ఆరోగ్యం కాపాడుకోవాలి.

గర్భిణీ స్త్రీల ఆహారంలో ప్రధానంగా అయిదు గ్రూపులు వుండాలి. అవి గింజలు, కూరగాయలు, పండ్లు, పాలు, మాంసం, చేప. ఆరోగ్యకరమైన ఆహారాలు తీసుకోవాలి. ఆహారం కొద్దిపాటి మొత్తాలలో ఎక్కువ సార్లు తినాలి. క్రమం తప్పకుండా ప్రతిరోజూ వ్యాయామం చేయాలి. ఎప్పటికపుడు వైద్య పరీక్షలు చేయించుకుంటూ సమస్యలకు తగిన చికిత్సలు చేయిచుకోవాలి.