గర్భిణీ స్త్రీకి దంతాల జాగ్రత్తలు!

Pre Natal

oi-Nageswara

By B N Sharma

Published: Tuesday, April 24, 2012, 15:06 [IST]

గర్భిణీ స్త్రీకి ఆరోగ్యకరమైన చిగుళ్ళు వుండాలి. మహిళలు ఈ సమయంలో నోటి శుభ్రతకి ప్రాధాన్యతనివ్వాలి. దీనివలన పుట్టే బిడ్డ కూడా ఆరోగ్యంగా వుంటుంది. తల్లి చిగుళ్ళ ఆరోగ్యానికి కడుపులోని బిడ్డ ఆరోగ్యానికి కూడా సంబంధం వుంది. పంటి సంబంధ, చిగుళ్ళ సంబంధం వున్న మహిళలు నెలలు నిండకనే కాన్పు చేసే అవకాశం వుంది. తల్లినోటిలోని ఇన్ ఫెక్షన్ హార్మోన్ స్ధాయిలను ప్రభావితం చేసి త్వరగా నొప్పులు వచ్చేలా చేస్తుంది. బేబీ త్వరగా పుడితే, అంగవైకల్యాలు, త్వరిత మరణం, మానసిక సమస్యలు, సెరిబ్రల్ పాల్సీ, ఊపిరితిత్తుల మరియు జీర్ణ సంబంధిత సమస్యలు, చూపు సమస్యలు, వినికిడి సమస్య వంటివి కలుగుతాయి.

చిగుళ్ళ వ్యాధి రావటానికి కారణం ఏమిటి? నోటిలో బాక్టీరియా వుండటం వలన చిగుళ్ళ వ్యాధి కలుగుతుంది. దీనినే ప్లేక్ అని కూడా అంటారు. తరచుగా సరిగా బ్రష్ చేయకపోవడం, దంత వైద్యునివద్ద దంతాలు శుభ్రపరచుకొనకపోవడం వంటివి జింజివైటిస్ లేదా ఎర్రటి రక్తంకారే చిగుళ్ళను కలిగిస్తాయి. చిగుళ్ళ వ్యాధికి కారణం స్మాకింగ్, పోషకాహార లేమి కూడా చెపుతారు.

చిగుళ్ళ వ్యాధి లక్షణాలు ఎలా వుంటాయి?
- నోటిలో చెడు రుచి
- ఎల్లపుడూ చెడు శ్వాస రావటం
- చిగుళ్ళు మెత్తబడటం
- బ్రషింగ్ సమయంలో చిగుళ్ళనుండి రక్తం రావటం
- దంతాలనుండి చిగుల్ళు వేరుపడటం
- నమిలే సమయంలో నొప్పి కలగటం
- దంతాలకు, చిగుళ్ళకు మధ్య చీము రావడం
- దంతాలపై గారపట్టటం
ప్రతి తల్లికి తన బిడ్డ బాగా ఆరోగ్యవంతంగా పుట్టాలని కోరుకుంటుంది. కనుక వెంటనే ఆమె ఒక దంతవైద్యుడిని సంప్రదించాలి. నోటి చిగుళ్ళు ఆరోగ్యంగా వుండేందుకు తగిన చర్యలు చేపట్టాలి. -ప్రతిరోజూ దంతాలను శుభ్రం చేసి వ్యర్ధాలను తొలగించటం
- ఆరోగ్యకర ఆహారాలైన పండ్లు, కూరగాయలు, ఛీజ్ వంటివి తినటం
- వైద్యులు తెలిపిన విటమిన్లు తినడం
- పొగతాగటం, ఆల్కహాల్ వంటివి వదలటం
- తరచుగా దంతవైద్యుని సంప్రదించడం

ముచ్చటైన చిరునవ్వు నవ్వాలంటే నోటి శుభ్రత ప్రధానం. గర్భవతి జాగ్రత్తలుగా మహిళలు ప్రతిరోజూ బ్రష్ చేయటం గార తీయటం చేయాలి. దంతాలలో కేవిటీలు ఏర్పడకుండా జాగ్రత్తపడాలి. రోజుకు రెండు సార్లు బ్రష్ చేయాలి. బ్రేక్ ఫాస్ట్ తర్వాత, రాత్రి నిద్రించే సమయాలలో బ్రష్ చేయాలి.