లావుగావుంటే... పిల్లలు పుట్టరా?

పొట్టలో కొవ్వు అధికంగా పేరుకుంటే దానినే లావెక్కటం లేదా అధికబరువు సంతరించుకోవడం అంటారు. శరీరం లావు అయిందంటే అది వారి శారీరక రూపాన్ని పాడు చేస్తుందని అందరికి తెలిసిన విషయమే. అయితే, లావెక్కితే శరీరంలో సున్నితంగా వుండే హార్మోన్ల సమతుల్యతకూడా దెబ్బతింటుందని పరిశోధకులు చెపుతున్నారు. వాటిలో సంతానం కలుగకపోవటమనేది ఒకటి. మహిళలైనా, పురుషులైనా లావెక్కితే అది వారిలో సంతానలేమిని కలుగజేస్తుందనేది ఎలానో పరిశీలించండి.

శరీరంలో లావెక్కిన కారణంగా హార్మోన్ల అసమతుల్యత ఏర్పడితే అది పురుషులలోను, స్త్రీలలోను ఫలదీకరణ లేకుండా చేస్తుందంటారు వైద్యులు. శరీరంలోని ఆండ్రోజన్, ఈస్ట్రోజన్, ప్రొజెస్టిరోన్ హార్మోన్లు సాధారణంగా మహిళ రుతుక్రమాన్ని నియంత్రిస్తాయి. మహిళ గర్భవతి అవ్వాలంటే ఈ హార్మోన్లు సమానంగా వుండటం అత్యవసరం. అండాశయంలో కొవ్వు నిల్వలు పేరుకుంటే అవి పిండం ఎదగటాన్ని నిరోధించి అబార్షన్ అయ్యేలా కూడా చేస్తాయని వైద్యులు చెపుతున్నారు.