నేను గర్భం ధరించాను! ఎలా ?

Pre Natal

oi-Nageswara

By B N Sharma

Published: Tuesday, July 10, 2012, 10:37 [IST]

గర్భం ధరించిన వార్త తెలియగానే, ఆ శుభవార్తను మీ పార్టనర్ కు ఎలా తెలుపాలా? అనేదానికి మీరు ఎన్నో మార్గాలు వెతుకుతూంటారు. గర్భ నిర్ధారణ ఫలితాలు పాజిటివ్ గా వచ్చే సరికి మీకు ఎంతో ఆనందం. ప్రపంచానికి మీరు తల్లి కాబోతున్నట్లు తెలియజెప్పాలని ఆవేశ పడుతూంటారు. నేరుగా ...నేను గర్భవతి అయ్యాను అని చెప్పేస్తే ఏ సమస్య ఉండదు. కాని ప్రతి మహిళ తన భాగస్వామికి ఈ శుభవార్త ఒక ప్రత్యేక పద్ధతిలో చెప్పాలనుకుంటుంది. అటువంటి వారికి తమ భాగ
స్వామికి తమ ప్రెగ్నెన్సీ తెలియపరచేందుకు కొన్ని మార్గాలు పరిశీలించండి.

చిన్ని దుస్తులు - నేను గర్భవతినయ్యానని మీ పార్టనర్ కు ప్రత్యేకంగా తెలుపాలనుకుంటే, మీరు చిన్ని దుస్తులు, చిన్ని బూట్లు వంటివి కొనండి. వాటిని అందంగా ప్యాక్ చేసి మీ పురుషుడు ఆఫీస్ నుండి రాగానే అతని చేతిలో పెట్టండి. ఆ ప్యాక్ అతనినే మీ ముందు తెరువనీయండి. అతని భావాలు పరిశీలించండి. తప్పకుండా అతను ఎంతో ఆనందపడతాడు.

ఆహారం - మీ పురుషుడు ఆహారం తినేటపుడు, బేబీ కేరట్స్ లేదా బేబే కార్న్ వంటివి పెట్టండి. టీ లేదా కాఫీ వంటివి చిన్ని కప్పులో పోసి ఇవ్వండి. లేదా ఒక కేక్ తయారు చేసి, దానిపై కొత్త డ్యాడీకి బహుమానం అంటూ అతనికి ఇవ్వండి. ఈ మార్గాలు మీ పార్టనర్ కి సైలెంట్ గా మీరు గర్భవతి అయినట్లు తెలుపుతాయి.

బొమ్మలు, బెలూన్లు - మీరు గర్భవతిని అని తెలియగానే, షాపింగ్ కు వెళ్ళండి, కొన్ని బొమ్మలు, బెలూన్లు కొనండి మీ గదిని వాటితో అలంకరించండి. మీ పార్టనర్ ఇంటికి రాగానే వాటిని చూపి ఏం జరిగిందో తెలుపమనండి. అతను తండ్రి కాబోతున్నాడన్న ఆనందం అతని ముఖంలో బాగా కనపడుతుంది.

షాపింగ్ కు తీసుకెళ్ళండి - కొత్త డ్యాడీని షాపింగ్ అంటూ బయటకు తీసుకెళ్ళండి. పిల్లల వస్తువుల దుకాణంలో అతనికి నచ్చిన బేబీ దుస్తులు కొనండి. నేను గర్భవతినయ్యాను అంటూ అతనికి చెవిలో చెప్పండి. అతని ఆనందం పరిశీలించండి.

పిల్లల బొమ్మల పోస్టర్లు, ఊయల - ఒక ఊయల మీ గదిలో వేయండి, బేబీ పోస్టర్లు కొన్ని గది గోడలకు అలంకరించండి. ఊయల మీ బెడ్ పక్కనే వేయండి. రూమ్ లాక్ చేయండి. మీ పార్టనర్ కళ్ళకు గంతలు కట్టి మీ రూమ్ లోకి తీసుకు వచ్చి గంతలు అలానే ఉంచి చేతితో ఊయల పట్టించి అదేమిటో చెప్పమనండి. గంతలు తీసివేసి పోస్టర్లు చూపి....నేను గర్భవతినయ్యానని చెపుతూ అతని ఆనందం పరిశీలించండి.

నేను గర్భవతిని అయ్యాను.....అనే మాటలు మీ పార్టనర్ కు చెప్పే సమయాన్ని మీరు ఆనందించాలి. ఆ క్షణాలు జీవితంలో మీకు ఒక ప్రత్యేకతగా ఉండాలి.