కడుపులో బిడ్డపై చెడు ప్రభావాలను చూపించే కాస్మోటిక్స్...

Pre Natal

oi-Saraswathi

By Sindhu

Published: Thursday, August 9, 2012, 9:31 [IST]

ప్రస్తుత కాలంలో మహిళలు ఎంతో అందంగా, ఆకర్షణీయంగా కనబడేందుకు నిరంతరం పరితపిస్తుంటారు. అందుకోసం వారు మార్కెట్‌లోకి వచ్చే వివిధ రకాల సౌందర్య అలంకరణ సాధనాలు లేదా ఉత్పత్తులు, క్రీములను వాడుతుంటారు. ఈ కంప్యూటర్ యుగంలో ఫాషన్యలకు, వివిధ రకాల డ్రెస్ , కాస్మోటిక్స్ కు బాగా ఆకర్షితులవుతున్నారు. ఈ కాలానికి తగినట్టుగానే మహిళలు సౌందర్యం తమను తాము తీర్చుదిద్దుకుంటున్నారు. ముఖ్యంగా, మహిళలు వాడే వివిధ రకాల లిఫ్టిస్టి‌క్‌ల వల్ల గర్భంలోని శిశువుకు కూడా హాని కలుగుతున్నట్టు వైద్యులు హెచ్చరిస్తున్నారు. ఇదే విషయం స్కాట్‌లాండ్‌ విశ్వవిద్యాలయం ఓ సర్వేలో తెలిపింది.

ప్రస్తుత ఆధునిక కాలానికి తగినట్లు గర్భిణీ స్త్రీలు కూడా వివిధ రకాల క్రీమ్‌లు, పెర్ఫ్యూమ్‌ లు, వంటి కాస్మాటిక్స్‌ ను వినియోగిస్తున్నారు. అయితే ఇది తల్లికే తెలియకుండా గర్భంలోకి వెళ్లి గర్భంలో పెరిగే పసికందుపై ప్రభావం చూపిస్తున్నట్టు ఈ సర్వేలో తేలింది. అందులోనూ ముఖ్యంగా తల్లి కడుపులో పెరుగుతున్నది మగబిడ్డ అయితే, ఆ బిడ్డపై ఎక్కువ దుష్పలితాలు చూపిస్తున్నాయట. జ్ఞాపకశక్తి తగ్గుదల, శరీర అవయవాల పెరుగుదల ఇత్యాది అంశాలపై ప్రభావితం చూపిస్తున్నాయని ఆ సర్వేలో తేలింది.

ఎనిమిదో వారం నుంచి 12వ వారం వరకు గల మధ్యకాలంలో గర్భంలో పెరిగే పిండంలో అవయవాల పెరుగుదల కనిపిస్తుందని, ఇలాంటి సమయంలో కొన్ని హార్మోన్లు పిండంపై ప్రభావం చూపడం వల్లే జ్ఞాపకశక్తి తగ్గుదల వంటి లోపాలు కనిపిస్తాయని తేలింది. ఇవి ఎక్కువగా మగ పిల్లల్లోనే కనిపిస్తాయని పేర్కొంది. ఈ సమయంలో తల్లి ఉపయోగించే అలంకరణ వస్తువులు బిడ్డ యొక్క హార్మోన్ల పునరుత్పత్తిపై తీవ్ర ప్రభావం చూపిస్తాయట.

టెస్ట్రోస్‌రోన్ అనే హార్మోన్ మగవారిలో పునరుత్పత్తిని అభివృద్ధి చేసేందుకు ముఖ్యమైంది. దీనిపైనా ఈ సౌందర్య పదార్థాలు ప్రభావం చూపిస్తాయని ఈ సర్వే పేర్కొంది. ఈ సౌందర్య వస్తువులను మోతాదుకు మించి ఉపయోగించడం వల్ల పిల్లలకు క్యాన్సర్ వచ్చే అవకాశం కూడా ఉందని పేర్కొంది. అందువల్ల గర్భందాల్చిన మహిళలు ప్రసవం అయ్యేంత వరకు సౌందర్య క్రీములకు కాస్త దూరంగా ఉంటే మంచిదని వైద్యులు సలహా ఇస్తున్నారు.