గర్భవతి మహిళ నడుం నొప్పి తగ్గించడమెలా?

Pre Natal

oi-Nageswara

By B N Sharma

Published: Friday, April 13, 2012, 10:00 [IST]

మహిళ గర్భవతి అయిందంటే, శారీరకంగా, మానసికంగా అనేక మార్పులు వస్తాయి. మీరు తల్లి అవుతూంటే, కడుపులోని పిండం కారణంగా ఎంత ఉద్విగ్నం, శారీరక అసమతుల్యత కలుగుతాయి. ఈ దశలో చాలామంది గర్భిణీ స్త్రీలు వెన్ను నొప్పి, కాలు, మడమ మొదలైన శరీర భాగాల నొప్పులను తెలుపుతూంటారు. వీటితో పాటు కొందరికి నడుం నొప్పి కూడా వస్తుంది. గర్భంలోని ఎదుగుతున్న బేబీ కారణంగా తల్లి ఆ బరువును మోయటానికి ముందుకు వంగాల్సి వస్తుంది. ఈ వంపు ఆమె వెన్నుకు కటి కండరానికి నొప్పి కలిగిస్తుంది. కటి నొప్పి అంటే నడుము కండరాలకు సంభవించే నొప్పి. ఇది గర్భవతికి సుమారుగా చివరి దశలలో అధికంగా వుంటుంది. బేబీ కటి ప్రదేశంలోకి పడటం వలన అక్కడి కండరాలు ఒత్తిడి భావిస్తాయి. పిండం యొక్క తల కూడా నడుము, మూత్రాశయం, పిరుదులపై ఒత్తిడి కలిగిస్తుంది.

ఈ నొప్పిని ఎలా తగ్గించాలి?

1. కటి కండరాల నొప్పి తగ్గటానికి ఆమె కొన్ని వ్యాయామాలు చేయాలి. నడుము వంచటం, పిరుదులు రిలాక్స్ చేయటం వంటివి చేయాలి.

2. స్విమ్మింగ్ ఈ సమస్యకు మంచి పరిష్కారం. వెన్ను నొప్పి పోగొట్టి కటి కండరాలను బలం పుంజుకొనేలా చేస్తుంది.

3. నొప్పి మరీ అధికంగా వుంటే, వేడినీటి స్నానం కొంత వూరట కలిగిస్తుంది. అయితే, నీరు అధిక వేడి వుంటే సున్నితమైన కటి ప్రదేశం అసౌకర్యానికి గురవుతుంది.

4. కటి నొప్పి అనేది ఒక సాధారణ ఆరోగ్య సమస్య. కనుక పిరుదు భాగాలగుండా నడుముకు బెల్ట్ వేసుకుంటే కొంత ఊరటగా వుంటుంది. వేసిన బెల్ట్ బేబీ బరువును కొంత ఆపుతుంది.

5. చాలామంది స్త్రీలు రాత్రివేళ నొప్పి అధికమంటారు. కనుక నిద్రించే సమయంలో మోకాళ్ళకు మధ్య ఒక తలగడ వుంచి పడుకోండి.

6. హీటింగ్ ప్యాడ్ తో కటి ప్రదేశాన్ని మర్దన చేయండి.

కటి కండరాల నొప్పి ప్రమాదకరం కాదు. చాలామంది మహిళలు దీనితో బాధపడతారు. అధికంగా నడవటం లేదా బరువులు ఎత్తడం వంటి పనులు చేయరాదు. వీలైనంత విశ్రాంతి తీసుకుంటూ, కాన్పు కొరకు ఎదురు చూడాలి.