భారతీయ మహిళకు గర్భధారణ సమాచారం

రెగ్యులర్ చెక్ అప్ లు ప్రధానమని తెలుపాలి. దీనివలన ముందుగా రాబోయే ఆరోగ్య సమస్యలు అధిగమించవచ్చు. తల్లికి ఈ సమయంలో వచ్చే మానసిక మార్పులు, ఆమె తీసుకోవలసిన పోషకాహారం, విటమిన్లు, శరీరంలో వచ్చే మార్పులు తెలుపాలి. ఈ సమాచారం ముందుగా తెలిస్తే ఆమెకు గర్భ ధారణలో వచ్చే అనేక సమస్యలు తీరిపోతాయి.

సోనోగ్రఫీ ప్రాముఖ్యత తెలుపాలి. తక్కువ బరువుతో బిడ్డ పుట్టటం, గర్భవిచ్ఛిన్నం వంటివి నివారించవచ్చు. ఈ పరీక్ష సుమారుగా 20 వారాల గర్భం తర్వాత చేస్తారు. ఈ సమయంలో, డాక్టర్లు గర్భ సంచి ఆరోగ్యకరంగా వుందా? గర్భాశయంలో బేబీ ఆరోగ్యకరంగా ఎదుగుతోందా అనేవి పరిశీలిస్తారు.

ఐరన్ కొరత గురించి మహిళకు తెలుపాలి. చాలామంది మహిళలకు ఐరన్ కొరత ఏర్పడుతుంది. ప్రెగ్నెన్సీలో మీ శరీరంలోని రక్తం పెరుగుతుంది. కనుక హేమోగ్లోబిన్ తయారవాలంటే అధిక ఐరన్ కావాలి. పోషకాహారం ఏం తీసుకోవాలి, ప్రత్యేకించి ఐరన్ కు ఏం తినాలి వంటివి ఆమెకు తెలుపాలి దీనివలన ఆరోగ్య సమస్యలు రాకుండా వుంటాయి. ఐరన్ అధికంగా వుండే గుడ్డు, పచ్చటి ఆకు కూరలు, ఎండు ఫలాలు, బీన్స్, గింజధాన్యాలు బాగా వీరు తినాి.

సిజేరియన్ ఆపరేషన్ గురించి ఈ ఆపరేషన్ తో బిడ్డ ఎలా పుడతాడనేది వారికి తెలియజెప్పాలి. ఆపరేషన్ అనంతరం ఇన్ ఫెక్షన్లు రాకుండా ఎలా జాగ్రత్తపడాలనేది తెలుపాలి. దీనివలన ఆమెలో రక్తహీనత కలుగకుండా చూడాలి. గర్భిణీ స్త్రీ సరైన ఆహారాలు, వ్యాయామం ఆచరించితే సిజేరియన్ ఆపరేషన్ అవసరం ఉండదు. సహజంగా యోని ద్వారానే ప్రసవం కావచ్చు.

గర్భవతి వ్యాయామాలు చేయటం అత్యవసరం. వీటితో ఆమె సహజ కాన్పు పొందగలదు. వ్యాయామాలు చేస్తే ఆమె సంతోషంగా వుండి ఆమెలోని ఎనర్జీ స్ధాయి పెరుగుతుంది. వెన్ను నొప్పి, మలబద్ధకం, ఒత్తిడి వంటివి దూరం అవుతాయి. కనుక ఆమెకు ప్రతిరోజూ ఆచరించగల ఒక చక్కటి వ్యాయామ, ఆహార ప్రణాళిక ఇవ్వాలి.