పురుషుడు లేకుండా పిల్లల పుటక!

జర్మనీలోని ముయన్స్టెర్ యూనివర్శిటీ ప్రొఫెసర్ స్టెఫాన్ స్కాలెట్ ఆధ్వర్యంలో ఒక అంతర్జాతీయ పరిశోధక బృందం ఈ పరిశోధన చేసింది. లేబరేటరీ డిష్ లో ఎలుకల వీర్య కణాలను తయారు చేసింది. ఈ కణాలు టెస్టికిల్స్ లో వుండి వీర్యం తయారు చేసేటందుకు తోడ్పడతాయి. దీనితో ఎలుక పిల్లల్ని ఎలుకల మధ్య సంపర్కం లేకుండానే తయారు చేయవచ్చట. ఇదే విధంగా వీర్య కణాలను మనిషి శరీరం బయట కూడా తయారు చేయవచ్చంటున్నారు పరిశోధకులు.

పరిశోధనా ఫలితాలు ఏషియన్ జర్నల్ ఆఫ్ ఆండ్రాలజీ మేగజైనో తాజా ఎడిషన్ లో ప్రచురించారు. ఈ అంశాన్ని పేరొందిన మేల్ ఇన్ ఫెర్టిలిటీ కన్సల్టెంట్ స్టెఫెన్ గోర్డాన్ వెల్లడించినట్లు ది డైలీ టెలిగ్రాఫ్ పత్రిక పేర్కొంది. అధ్యయనం మానవ చరిత్రలోనే అరుదైందని, మనిషి వీర్య కణాలు కూడా ఉత్పత్తి చేయగలిగితే, ఇకపై పిల్లలను పుట్టించలేని పురుషులు కూడా తమ పిల్లలకు తండ్రులైపోగలరని పరిశోధకులు భావిస్తున్నారు.