గర్భం ధరిస్తే వచ్చే హార్మోన్ల సమస్యలు?

By B N Sharma

Published: Tuesday, June 26, 2012, 16:29 [IST]

గర్భవతిగా వున్నపుడు నోరు వాసన వస్తుంది. ఖంగారు పడనవసరం లేదు. సాధారణంగా గర్భవతులందరకు ఈ సమస్య వుంటుంది. ఇది త్వరలోనే వికారం గా మారుతుంది. దీనికి కారణం హార్మోన్లలో వచ్చే మార్పులు. హార్మోన్లు విస్తృతంగా మార్పులు చెందుతాయి. ప్రత్యేకించి ప్రెగ్నెన్సీ కలిగించే ఈస్ట్రోజన్ ముక్కు రంధ్రాలలోవున్న ఫెరోమోన్ రీసెప్టర్స్ ను తెరుస్తుంది. దానితో అవి ఎంతో సున్నితమై స్పందించి బ్రెయిన్ కు సిగ్నల్స్ పంపుతుంది. బ్రెయిన్ కు సిగ్నల్ అందగానే కడుపులో కొన్ని రసాలు తయారై ఇక మీకు నోరు వికారంగా అవుతుంది.

వికారం తర్వాత వచ్చేది మార్నింగ్ సిక్ నెస్. ఘాటైన వాసన వచ్చే వెల్లుల్లి, ఉల్లిపాయ మొదలైనవి తినకుండా వుండటం మంచిది. దీనికి గాను గర్భవతి మంచి వాసనలు మాత్రమే వచ్చే ప్రదేశాలలో వుండాలి. మీకు నచ్చిన వాసనలేవైనా వుంటే, వాటి వాసన చూసి ఆనందించండి. మింట్, నిమ్మ, అల్లం లేదా ఇతర మూలికల వాసనలు ఆహ్లాదాన్నిస్తాయి. క్లీనింగ్ ఉత్పత్తులు, టాయ్ లెట్ ఉత్పత్తులవంటివి వారికి నచ్చిన వాసనలవి వాడకంలో వుంచాలి.

మార్నింగ్ సిక్ నెస్ వున్నపుడు ఆహారం తయారు చేయవద్దు. పదార్ధాల వాసనలకు మీరు సిక్ అయిపోయే అవకాశం వుంది. రెస్టరెంట్లు, కిరాణా షాపులు, మాంసం దుకాణాలు, కూరల దుకాణాలు, మొదలైనవి వీలైనంతవరకు వెళ్ళరాదు. ఇంటిలో మంచి గాలి వెలుతురు ప్రసరించేలా చూడండి. వంట వాసనలు లేకుండా జాగ్రత్త పడండి. పొగత్రాగేవారిపక్కన వుండరాదు. ఎల్లపుడూ ఆరోగ్యకరమైన, ఆహ్లాదకరమైన వాతావరణంలో వుండాలి. ఈ జాగ్రత్తలు తీసుకుంటే, గర్భిణీ మహిళ ఉదయ వికారం, వాంతులు వంటివి రాకుండా జాగ్రత్తపడవచ్చు.