గర్భవతి మహిళలలో ఒత్తిడి తగ్గాలంటే?

Pre Natal

oi-Nageswara

By B N Sharma

Published: Thursday, April 19, 2012, 12:18 [IST]

గర్భవతి మహిళలకు యోగాసనాలు వేయటం ఎంతో ప్రయోజనకరం. యోగాసనాలు వేస్తే, బిడ్డ పుట్టే ముందు ఆమెకు కలిగే ఆందోళన, ఒత్తిడి నిదానిస్తుంది. తల్లిని శారీరకంగా, మానసికంగా సంసిధ్ధురాలను చేస్తుంది. శరీరం గట్టిపడుతుంది. సరళమవుతుంది. బిడ్డపుట్టటానికి శరీరాన్ని తయారు చేస్తుంది. ఒత్తిడి తగ్గిస్తుంది. యోగా వలన ప్రయోనాలెన్నో. ఆసనాలు, ప్రాణాయామం, ధ్యానం, ముద్రలు, ఇతర రిలాక్సేషన్ మెళకువలు ఎన్నో ఆచరించవచ్చు.

యోగాలో రకాలు
ఆసనాలు - ఆసనాలు అంటే శారీరక భంగిమలు. ఈ భంగిమలు వేస్తే కండరాల సరళత పెరుగుతుంది. శరీరం, మైండ్ రెండూ సమతుల్యత సాధించి శ్వాస ప్రయోజనాలు చేకూరుతాయి. ప్రెగ్నెన్సీ సమయంలో మహిళలు అనేక శారీరక, మానసిక, మరియు ఇతర మార్పులు పొందుతారు. ఒత్తిడి అధికంగా వుంటుంది. కనుక వీరికి యోగాసనాలు మంచివి. ఆసనాలు వెన్నెముకను బలపరుస్తాయి. శరీరాన్ని సరళంగా వుంచుతాయి. యోగా లో ఆసనాలు ఒత్తిడికి మంచివి.

ప్రాణాయామ - ఈ రకమైన యోగా గర్భవతి మహిళ శ్వాసకు మంచిది. అది అందరకూ తెలిసని మెళకువే. ప్రయోజనాలు అనేకం. కాబోయే తల్లికి శారీరక, మానసిక హాయినిస్తుంది. ఈ శ్వాస క్రియలో తాజా గాలిని లోపలికి తీసుకోవడం, బయటకు వదిలేయటం చేస్తారు. మీరు దీనికిగాను ఒక ముక్కు రంధ్రాన్ని మూసి, మరొక రంధ్రంతో గాలి పీల్చాలి. తెరచిన ముక్కు రంధ్రం మూసివేసి, మూసిన ముక్కును తెరచి గాలి వదలటం చేయాలి. ఆందోళన తగ్గించి నరాల వ్యవస్ధను బలపరుస్తుంది. ఇది ఒత్తిడికి బాగా పనిచేస్తుంది.

ధ్యానం - ఈ రకం యోగా తో గర్భిణీ మహిళ పూర్తి రిలాక్సేషన్ పొందుతుంది. ఒత్తిడి తగ్గేందుకు చాలా మంచిది. ఆందోళన, భయం, నరాల సమస్యలు తగ్గుతాయి. గర్భవతులు దీనిని ఆచరిస్తే సాధారణ కాన్పు జరుగుతుంది. మైండ్ ప్రశాంతంగా వుంటుంది. ఆందోళన స్ధాయి తక్కువవుతుంది. కాన్పు ఆరోగ్యకరంగా అవుతుంది.

యోగ నిద్ర - ఇది ఒక నిద్ర. గర్భవతులు తప్పక ఆచరించాలి. నిద్ర గాఢంగా వుంటుంది. కనుక కాబోయే తల్లికి ఎంతో మంచిది. ఒత్తిడి, ఆందోళన తగ్గుతాయి. గర్భవతి ఎంతో ఆనందంగా వుంటుంది. డెలివరీ తేలికగా సహజంగా అవుతుంది. గర్భవతి చేసే యోగా బిడ్డ పెరుగుదలకు కూడా తోడ్పడుతుంది. యోగాలో తల్లి మైండ్ లో ఆలోచనలు, సరళంగా, పాజిటివ్ గా వస్తూంటాయి. ఒత్తిడిని అధిగమించేందుకు ఎంతో సహకరిస్తుంది.

ఇవి గర్భిణీ స్త్రీకి యోగా ఇచ్చే ప్రయోజనాలు. కనుక గర్భిణీ మహిళ వీటిని తప్పక ఆచరించి, సహజ కాన్పు పొంది బిడ్డను ప్రసవించాలి.