గర్భిణీ స్త్రీ శరీరంలో జరిగే అద్భుతమైన మార్పులు...

1. స్ట్రాంగ్ అండ్ షైనీ హెయిర్:

గర్భధారణ సమయంలో జుట్టు ఒత్తుగా , షైనీగా మరియు ఫాస్ట్ గా పెరుగుతుంది మరియు ఈసమయంలో జుట్టు రాలే సమస్య ఉండదు. అందుకు ముఖ్య కారణం గర్భిణీస్త్రీలో ప్రొజెస్టిరాన్ అనే హార్మోను ఎక్కువగా స్రవించడం వల్ల , ఇది బేబీకి మాత్రం అందడం మాత్రమే కాదు, మంచి, ఆరోగ్యకరమైన జుట్టును తల్లి పొందేలా చేస్తుంది.

2. బ్రెస్ట్ మరియు నిప్పల్స్ పెద్దగా అవుతాయి:

ప్రెగ్నెన్సీ సమయంలో , బ్రెస్ట్ కు రక్తప్రసరణ పెరుగుతుంది. ఇతర హార్మోనుల కారణంగా బ్రెస్ట్ పెరుగుతుంది . బ్రెస్ట్ సైజ్ పెరగడంతో పాటు నిప్పల్ సైజ్ పెరుగుతుంది . నిప్పల్ డార్క్ కలర్లోకి మారుతాయి. రొమ్ముల్లో సలుపు మొదలవుతుంది, నొప్పి ఎక్కువగా ఉంటుంది. మొదట త్రైమాసికం పూర్తి అవ్వగానే ఇది తగ్గిపోతుంది.

3. చర్మం బ్యూటిఫుల్ గా మారుతుంది:

కొంత మంది మహిళల్లో చర్మం మరింతగా మెరుస్తుంటుంది. గర్భాధారణ సమయంలో స్రవించే ఈస్ట్రోజన్, ప్రొజెస్టిరాన్ హార్మోనులు చర్మం మీద ఎక్కువ ప్రభావం చూపి, చర్మం కాంతివంతంగా మెరిసేలా చేస్తుంది. మరికొంత మందిలో రివర్స్ చేస్తుంది. పింపుల్స్, మచ్చలు, డ్రైస్కిన్ , స్కిన్ అలర్జీలకు గురిచేస్తుంది .

4. చర్మంలో అవాంఛిత రోమాలు:

గర్భధారణ సమయంలో గడ్డం, బుగ్గలు, పైపెదవి, చెవుల దగ్గర, కాళ్ళ మీద, బహుమూలల్లో మరియు పొట్టమీద కూడా అవాంఛిత రోమాలు ఏర్పడుతాయి. అందుకు ముఖ్య కారణం గర్భిణీలో ఆండ్రోజన్ అనే మేల్ హార్మోన్స్ ఎక్కువగా స్రవించడం వల్ల ఇలా జరుగుతుంది,.

5. లాంగ్ అండ్ స్ట్రాంగ్ నెయిల్స్:

బాడీలో అనేక మార్పులో ఇది కూడా ఒకటి. గోళ్ళు వేగంగా మరియు స్ట్రాంగ్ గా పెరుగుతాయి . అదే విధంగా కొంత మంది వ్యతిరేఖంగా ఉంటుంది. మరికొంత మందిలో వీక్ నెయిల్స్, పెళుసుగా విరిగిపోట్లుండే నెయిల్స్ పెరుగుతాయి .

6. పాదాలు పెద్దగా కనబడుతాయి:

గర్భాధారణ సమయంలో పాదాలలో వాపు వల్ల పాదాలు పెద్దగా కనబడుతంటాయి . సాండిల్స్ వేసుకోవడానికి కూడా ఇబ్బందిగా ఫీలవుతుంటారు . కాబట్టి, సౌకర్యవంతంగా ఉండే స్లిప్పర్స్ ను కొనాల్సి ఉంటుంది.

7. స్కిన్ పిగ్మెంటేషన్:

గర్భధారణ సమయంలో చాలా మంది మహిళల చర్మంలో అనేక మార్పులు వస్తాయి. వాటిలో స్కిన్ పిగ్మెంటేషన్, స్కిన్ స్యాచెస్ కనబడుతాయి. బగ్గల వద్ద మరియు ముక్కు దగ్గర ఇలాంటి సమస్య ఎక్కువగా కనబడుతుంది. అందుకు ప్రధానకారణం చర్మంలో మెలనిన్ ఎక్కువగా ఉత్పత్తి కావడం వల్ల స్కిన్ పిగ్మెంటేషన్ కు గురి అవుతుంది.