పీరియడ్స్ టైమ్ లో.. రతిలో పాల్గొంటే గర్భం పొందే అవకాశం ఉంటుందా..?

తన రుతుక్రమంలో వున్న స్త్రీ గర్భం దాల్చగలదా?

రుతుక్రమం లేదా బహిష్టు అంటే నెలకో సారి - స్త్రీ శరీరంలోని ఫలదీకరణ చెందని అండం గర్భాశయ పొరతో పాటు వ్యవస్థలోంచి బయటకు తోసివేయబడడం. ఆ అండం ఫలదీకరణ చెందితే ఆమె గర్భం దాల్చినట్టు, శిశు జననం వరకు తన రుతుక్రమం తప్పుతుంది. అందువల్ల తన రుతుక్రమంలో వున్న స్త్రీ అరక్షిత శృంగారంలో పాల్గొంటే గర్భం దాలుస్తుందా అనేది ప్రశ్న.

సరే, దీనికి సమాధానం ఏమిటో ఇక్కడ తెలుసుకుందాం.

"సురక్షితమైన సమయం" ఏది? ప్రతి స్త్రీకి ఓ నెలలో ఒక సమయం వుంటుంది - దీన్ని అ౦డోత్సర్గ సమయం అంటారు - ఈ సమయంలో స్త్రీ శరీరంలో అండం విడుదలై వీర్యంతో కలిసి ఫలదీకరణం జరగడానికి సిద్ధంగా వుండడం వల్ల ఆమె గర్భం దాల్చే అవకాశం వుంటున్జ్ది. అందువల్ల రుతుక్రమంలో వున్నప్పుడు ఫలదీకరణం జరగని అండ౦ శరీరం నుంచి బయటకు తోసివేయ బడుతుంది, పైగా తదుపరి ఫలదీకరణ సమయం మరి కాస్త దూరంలో ఉంటుంది కనుక స్త్రీ రుతుక్రమం "సురక్షిత సమయం"గా పరిగణించబడుతుంది - అంటే ఆ సమయంలో గర్భధారణకు అవకాశం చాలా తక్కువ.

రుతుక్రమంలో వున్న స్త్రీ గర్భం దాలుస్తుందా?

అయితే, రుతుక్రమంలో వున్న స్త్రీలు కూడా శృంగారం చేసినప్పుడు గర్భం ధరించిన సందర్భాలు వున్నాయి. అయినా ఇదెలా సాధ్యం అయింది అనుకుంటున్నారా? సరే, ఓ వీర్యకణం శరీరంలో అయిదు రోజుల వరకు జీవంతో వుంటుంది!

రుతుక్రమంలో వున్న స్త్రీ గర్భం దాలుస్తుందా?

అందువల్ల, తన రుతుక్రమం చివరిలో వున్న స్త్రీ శృంగారంలో పాల్గొంటే ఆమె తరువాతి కొద్ది రోజుల్లో గర్భం దాల్చే అవకాశం ఉన్నట్టే, ఎందుకంటే ఆమె శరీరంలో జీవంతో వున్న వీర్యకణం అండాన్ని ఫలదీకరణ చేయగలదు.

మొత్తమ్మీద, రుతుక్రమంలో వున్న స్త్రీ అరక్షిత శృంగారంలో పాల్గొంటే గర్భం ధరించేందుకు చాలా కొద్ది అవకాశాలు వుంటాయి. అందువల్ల మీరు బిడ్డలు వద్దనుకుంటే సురక్షిత శృంగారం చేయడం మంచిది!