ప్రెగ్నన్సీ టైంలో ఏమాత్రం నిర్లక్ష్యం చేయకూడని లక్షణాలు..!!

జ్వరం

ఒకవేళ మీకు జ్వరంగా ఉండి.. టెంపరేచర్ 37.5 డిగ్రీలు ఉంది అంటే.. డాక్టర్ ని సంప్రదించాలి. వెంటనే యాంటీ బయాటిక్స్ సూచిస్తారు. అదే మీ టెంపరేచర్ 39 కంటే ఎక్కువ ఉందంటే.. బేబీకి హానికరమని గుర్తించండి.

పొట్ట పైభాగం లేదా కింది భాగంలో నొప్పి

ప్రెగ్నెన్సీ సమయంలో పొట్ట భాగంలో కొంచెం నొప్పిగా ఉన్నా.. ఎక్కువ నొప్పిగా ఉన్నా అలర్ట్ అవ్వాల్సిందే. దీనికి అనేక కారణాలుంటాయి. జీర్ణం సరిగా అవకపోవడం, ఎసిడిటీ, ఫుడ్ పాయిజనింగ్ కారణమవవచ్చు. మీ సెకండ్ హాఫ్ ప్రెగ్నెన్సీ సమయంలో ఈ నొప్పి కనిపించింది అంటే.. ప్రీ ఎక్లంప్సియా అంటారు. కాబట్టి అలర్ట్ గా ఉండాలి. ఏమాత్రం పొట్టలో నొప్పిగా అనిపించినా వెంటనే డాక్టర్ ని సంప్రదించాలి.

బ్లర్ గా కనిపించడం

సెకండ్ హాఫ్ ప్రెగ్నన్సీ సమయంలో కంటి చూపుపై ప్రభావం ఉంటుంది. డబుల్ విజన్, బ్లర్, డిమ్, ఫ్లాష్ స్పాట్స్ కనిపించడం వంటి లక్షణాలు కనిపిస్తాయి. ఇలాంటి చూపు సమస్యలు ప్రీఎక్సలంప్సియాను సూచిస్తాయి.

చేతులు, పాదాల వాపు

ప్రెగ్నెన్సీ సమయంలో చేతులు, పాదం, ముఖం, కళ్ల వాపు సాధారణం. కానీ.. ఉన్నట్టుండి వాపు రావడం, తలనొప్పి, చూపు సమస్యలు వచ్చాయి అంటే.. డాక్టర్ ని సంప్రదించడం మంచిది.

బ్లీడింగ్ స్పాటింగ్ లేదా కొంచెం బ్లీడింగ్

గర్భం దాల్చిన మొదట్లో కామన్. కానీ.. ఇది సివియర్ బ్లీడింగ్ కి సంకేతం కావచ్చు. కాబట్టి ఏ మాత్రం బ్లీడింగ్ కనిపించినా.. వెంటనే డాక్టర్ వద్దకు వెళ్లి సలహా తీసుకోవడం తప్పనిసరి. ఈ బ్లీడింగ్ విషయంలో ఒక్కొక్కరికి ఒక్కోలా ఉంటుంది. కొంతమందికి ఎలాంటి సమస్య కాకపోయినా.. కొందరికి ఇబ్బందులు తీసుకొస్తాయి.

విపరీతమైన తలనొప్పి

రెండు మూడు గంటల కంటే.. ఎక్కువ సమయం తలనొప్పి ఉండటం, అలాగే చూపులో సమస్యలు కనిపించడం, బాడీలో వాపులు కనిపించాయంటే.. వెంటనే డాక్టర్ ని సంప్రదించాలి. ఇలాంటి లక్షణాలను నిర్లక్ష్యం చేయకండి.

యూరిన్ పెయిన్

యూరిన్ పెయిన్ యూరిన్ ఇన్ఫెక్షన్ కి సంకేతం. యూరిన్ కి వెళ్లినప్పుడు నొప్పిగా ఉండటం, ఎరుపు రంగులో యూరిన్ రావడం, దుర్వాసన రావడం వంటివి యూరిన్ ట్రాక్ ఇన్ఫెక్షన్ ని సూచిస్తాయి. వీటిలో ఏ ఒక్క లక్షణం మీలో కనిపించినా.. డాక్టర్ ని సంప్రదించాలి.