గర్భధారణ సమయంలో వచ్చే అనారోగ్య సమస్యలు : తీసుకోవల్సిన జాగ్రత్తలు

వికారం:

గర్భం ధరించిన మహిళల్లో ఉదయం పూట వికారం, వాంతి వచ్చేటట్లు ఉండటం, తరచూ మనస్సు మారడం, మనస్సులో గందరగోళం వంటివి మొదటి త్రైమాసికంలో తప్పనిసరిగా ఎదుర్యే సమస్యలు. కొంత మంది గర్భిణీ స్త్రీలలో ఈ లక్షణాలు రెండవ త్రైమాసంలో కూడా ఉంటాయి.

అజీర్ణం -

ఒకే సారి అధిక భోజనం కాకుండా, కొద్ది మొత్తాలలో తరచుగా తినాలి. భోజన సమయంలో నిదానంగా నమిలితినాలి. ఆహారం తీసుకునే సమయంలో ద్రవాలు అధికంగా తీసుకోరాదు. భోజనం తర్వాత వంగటం లేదా కింద పడుకోవటం చేయవద్దు. ప్రతి రాత్రి భోజనం బెడ్ టైమ్ కు రెండు గంటలముందు తినాలి.

అలసట -

దీనికి పరిష్కారం విశ్రాంతి మాత్రమే. ఎక్కడ కూర్చున్నా కాళ్ళు పైనపెట్టి కూర్చోండి. నిద్ర ఎపుడు వచ్చినా పడుకోండి. కుటుంబంలో మీరు ఒక రాణిలా మర్యాదలు పొందండి.

నుడుము నొప్పి:

గర్భం ధరించిన మహిళల శరీరంలో రోజురోజుకు పిండం పెరిగేకొద్ది, శరీరంలో ఇతర ఎలిమెంట్స్ తో పాటు, చర్మం కూడా చాలా సాప్ట్ గా మరియు స్ట్రెచ్చీగా మార్పు చెందుతాయి. మరియు ఇది మిమ్మల్ని ప్రసవానికి సిద్దం చేయడానికి నిధానంగా ఇలా మార్పు చెందుంతుంటాయి . పిండం పెరుగుదల, గర్భంలో స్థల ఏర్పడటానికి కండరాలు సడలించడం వల్ల లోయర్ బ్యాక్ పెయిన్ మరియు పెల్విస్ జాయింట్స్ లో నొప్పి ఏర్పడటానికి కారణం అవుతంది.

తరచూ మూత్రవిసర్జన:

బేబీ బంప్ పెరిగే కొద్దీ బ్లాడర్ మీద ఒత్తిడి పెరిగి, మూత్తపిండాలు నిండి, ఒత్తిడి కలిగి వెంటనే మూత్రవిసర్జన చేయాలనిపిస్తుంది. కాబట్టి, వెంటనే మీరు మూత్రవిసర్జన చేయాల్సి ఉంటుంది. అలాగే స్టోర్ చేసుకోకూడదు.

తిమ్మిర్లు -

మడమ, కాళ్ళు వంటివి ప్రతిరోజూ మెల్లగా వ్యాయామాలు చేస్తే రక్త సరఫరా మెనరుగుపడి తిమ్మిర్లవంటివి తగ్గుతాయి.

మలబద్దకం:

గర్భిణీ స్త్రీలలో అతి సాధారణ సమస్య మలబద్దకం. కాబట్టి అధిక ఫైబర్ కంటెంట్ కలిగిన ఆహారాలు తీసుకుంటూ, అధికంగా నీరు త్రాగాల్సి ఉంటుంది.

తలనొప్పి

కొంత మంది గర్భణీ స్త్రీలు తలనొప్పికి కూడా గురిఅవుతుంటారు . ప్రెగ్నెన్సీ మొదటి వారంలో ఈ సమస్య ఎక్కువగా ఉంటుంది. మరియు హార్మోనులు అసమతుల్యలత, వాంతి వంటివి తలనొప్పికి కారణం అవుతాయి .

గుండెమంట -

చల్లటి పాలు ఒక గ్లాసెడు తాగితే పరిష్కారమే. గుండె మంట రాకుండా అధిక, నూనెలు కల ఆహారాలు రాత్రి డిన్నర్ లో మానండి. యాంటాసిడ్ టాబ్లెట్ లు వైద్యుల సలహా లేకుండా వాడకండి.

అధిక రక్తపోటు -

రెగ్యులర్ వ్యాయామం చేయాలి. పోషకాహారం తీసుకోవాలి. తాజా పండ్లు, కూరగాయలు తినాలి. ఉప్పు అధికంగా వుండే పచ్చళ్ళు అప్పడాలు, ఇతర ఆహారాలు తినరాదు.