ఆలూ పన్నీర్ కోఫ్తా రిసిపి : వీడియో..

ఉత్తరభారత సంప్రదాయ స్నాక్ ఆలూ పన్నీర్ కోఫ్తాను బంగాళదుంపలు మరియు పన్నీర్ తో తయారుచేస్తారు. దీన్ని పండగలు, పార్టీలు, ఉత్సవాలప్పుడు తయారుచేస్తారు. దీన్ని టీతో పాటు ఆనందంగా తింటారు.

కానీ, ముఖ్యమైన విషయం ఏంటంటే పండగలప్పుడు చేసేటప్పుడు ఉల్లి, వెల్లుల్లిని వాడరు. మిగతాసమయాలలో వాటిని కూడా వాడతారు.

ఆలూ పనీర్ కోఫ్తాను ఉడికించిన పనీర్, ఆలూను, రకరకాల దినుసులతో కలిపి ఓవల్ ఆకారపు ముద్దల్లో వేయించి చేస్తారు. దీన్ని టమాటా సాస్ లేదా ఏదన్నా చట్నీతో కలిపి తింటారు. పుదీనా చట్నీ దీంతో కలిపి తింటే చాలా రుచికరంగా ఉంటుంది.

స్టెప్ బై స్టెప్ విధానంతో కూడిన వీడియో రెసిపిని చూసి నేర్చుకోండి.

స్టెప్ బై స్టెప్ - ఆలూ పన్నీర్ కోఫ్తా ఎలా చేయాలి

1. ఉడికించిన బంగాళదుంపలను ఒక కలిపే గిన్నెలో వేయండి.

2. పన్నీర్ ను వేసి బాగా ఉండలుకట్టకుండా కలపండి.

3. రాళ్ళ ఉప్పు, పాలపొడిని జతచేయండి.

4. పొడిచేసిన నల్ల మిరియాలు, ఎండుకారాన్ని వేయండి.

5. ఇంకా, పచ్చిమిర్చి, కొత్తిమీరను వేయండి.

6. రెండు చెంచాల మొక్కజొన్న పొడిని వేసి బాగా కలపండి.

7. ఈ మిశ్రమాన్ని రెండుగా విభజించి చేతులతో ముద్దలుగా చేయండి.

8. మధ్యలో మీ వేలితో గుంటను చేయండి.

9. డ్రై ఫ్రూట్ల మిశ్రమాన్ని ఒక చెంచాడు అందులో వేయండి.

10. దాన్ని మూసేసి ఓవల్ ఆకారంలో ముద్దగా వత్తండి.

11. ఒక పళ్ళెంలో మొక్కజొన్న పిండిని కోటింగ్ లా రాయండి.

12. కోఫ్తాపై కూడా ఈ పిండిని రాయండి.

13. తర్వాత కోఫ్తాలను ఫ్రిజ్ లో అరగంట ఉండనివ్వండి.

14. నూనెను వేయించడానికి బాండీలో వేడిచేయండి.

15. ఈ కోఫ్తాలను ఒకదాని తర్వాత మరొకటి వేయించండి.

16. రెండు వైపులా బాగా వేగనివ్వండి.

17. గోధుమరంగులోకి వచ్చేవరకు వేయించి బయటకి తీయండి.

18. వేడిగా వడ్డించండి.