ఇడ్లీ,దోస కన్నా 100 రెట్లు బలం..అమెరికాలో రేటెక్కువ,మనం ఇంట్లోనే ఈజీగా ఇలా చేసుకోవచ్చు

ఇప్పుడంటే మనం పొద్దున్నే లేవగానే బ్రేక్ ఫాస్ట్ లోకి ఇడ్లీ,దసె లేదా వడలు వంటివి తింటున్నాం కానీ మన పూర్వీకులు పొద్దున్నే లేవగానే చద్దన్నమే తినేవాళ్లు. దీనినే చల్ది అని కూడా అంటారు. ఇడ్లీ,దోశల కన్నా 100 రెట్లు బెటర్ ఇది. ఈ మధ్య కాలంలో చాలామంది సెలబ్రిటీలు కూడా చద్దన్నం ప్రాముఖ్యత గురించి చెబుతూ సోషల్ మీడియాలో వీడియోలు పెడుతున్నారు. డయాబెటిస్, బీపీ, ఎసిడిటీ సమస్యతో బాధపడేవారికి ఈ చద్దన్నం చాలా మేలు చేస్తుంది.

అమెరికా సహా అనేక దేశాల్లో ఈ చద్దన్నం ఎక్కువ రేటుకి అమ్ముతుంటారు. మనం మాత్రం ఎలాంటి ఖర్చు లేకుండా ఇంట్లోనే ఈజీగా చేసుకోవచ్చు. వేసవిలో తప్పక తినాల్సిన..మనం మర్చిపోయిన ప్రాచీన విధానంలో చల్ది అన్నం ఎలా రెడీ చేసుకోవాలో ఇక్కడ చూడండి.

చల్ది అన్నం తయారీకి కావాల్సిన పదార్థాలు
-మెత్తగా ఉడికించిన తెల్ల అన్నం లేదా మిల్లెట్స్
-మజ్జిగ
-గోరు వెచ్చని పాలు
-ఉల్లిపాయ
-పచ్చిమిర్చి
-వేడి నీళ్లు
-ఉప్పు

చల్ది అన్నం తయారీ విధానం

-ముందుగా వైట్ రైస్ లేదా మిల్లెట్స్ మెత్తగా ఉడికించాలి.

-తర్వాత ఓ మట్టి పాత్రలో మెత్తగా ఉడికించిన అన్నం లేదా మిల్లెట్స్ 1.5 కప్పు వేసి ఇందులో 1 కప్పు వేడినీళ్లు, 1 కప్పు గోరు వెచ్చని పాలు పోయండి.

-2-3 నిమిషాల తర్వాత అందులో 3 టేబుల్ స్పూన్ల మజ్జిగ, నాలుగు పెద్ద ముక్కల ఉల్లిపాయలు, రెండు పచ్చిమిర్చి వేసి రాత్రంతా మూతపెట్టి ఉంచండి.

-తెల్లవారిన తర్వాత మూత తీసి అందులో రుచికి సరిపడా ఉప్పు వేసి కలపండి. అంతే చల్ది అన్నం లేదా చద్దన్నం రెడీ.