కాలీఫ్లవర్ మసాలా కర్రీ.. ముద్దముద్దలో మజా! ఇలా చేసుకుంటే రుచి అద్భుతహః

కాలీఫ్లవర్ ఆరోగ్యానికి చాలా మంచిది. ఈ కాలీఫ్లవర్‌తో చేసే వంటలు కూడా ఆరోగ్యానికి చాలా మంచిది. తినడం వల్ల శరీరానికి తగిన శక్తి లభించడంతో పాటు శరీరానికి అవసరమయ్యే విటమిన్స్, మినరల్స్ కూడా అందిస్తాయి. ఈ కాలీఫ్లవర్స్ చలికాలంలో ఎక్కువగా పండుతాయి. కాబట్టి చలికాలంలో ఎక్కువగా దీనితో కాలీఫ్లవర్ మసాలా కర్రీ చేసుకుంటారు. దీనిని ఎలా చేసుకోవాలి దానికి కావాల్సిన పదార్థాలు ఏంటి అనేది ఈ స్టోరీలో తెలుసుకుందాం.

కావలసిన పదార్థాలు:

కాలీఫ్లవర్ - 1 ముక్క (చిన్న ముక్కలుగా కోసి, ఉప్పు నీటిలో కడిగి పక్కన పెట్టుకోండి)
ఉల్లిపాయ - 1 (తరిగినది)
తోమటోలు - 2 (తరిగినవి)
పచ్చిమిర్చి - 2-3 (చిన్న ముక్కలుగా తరిగినవి)
ఇంగువ - 1/2 టీస్పూన్
కారం పొడి - 1 టీస్పూన్
కొత్తిమీర పొడి - 1/2 టీస్పూన్
కారం - రుచికి తగినంత
ఉప్పు - రుచికి తగినంత
నూనె - 2 టేబుల్ స్పూన్లు
కసూరి మేతి - 1/2 టీస్పూన్
కొత్తిమీర - కొద్దిగా (తరిగినది)

తయారీ విధానం:

ముందుగా ఒక మిక్సీ జార్‌లో టమాటోలు, పచ్చిమిర్చి, ఇంగువ వేసుకొని మెత్తగా రుబ్బుకొని పక్కన పెట్టుకోవాలి. ఆ తరువాత ఒక పెనం తీసుకోవాలి. అందులో నూనె పోసుకోవాలి. నూనె వేడైన తరువాత అందులో సన్నగా తరిగిన ఉల్లిపాయ ముక్కలను వేసుకొని బంగారు రంగులోకి వచ్చేంత వరకు వేయించుకోవాలి.

ఇప్పుడు ఆ ఉల్లియాపాయల మిశ్రమంలో ముందుగా చేసి పెట్టుకున్న పేస్ట్ వేసుకొని కొంచెం నీరు పోసి బాగా కలుపుకొని, వేయించుకోవాలి. అలా ఒక రెండు నిమిషాల పాటు వేయించుకున్న తరువాత.. అందులో కాలీఫ్లవర్ ముక్కలను వేసుకోవాలి. ఆ తరువాత ఆ మసాలాలు కాలీఫ్లవర్‌కు పట్టే విధంగా కలుపుకోవాలి. ఆ తరువాత ఆ పెనంపై మూత పెట్టి ఒక అయిదు నిమిషాల పాటు ఉడికించుకోవాలి.

ఆ తరువాత ఆ కూరలో కారం పొడి, కొత్తిమీర, ఉప్పు వేసుకొని బాగా కలుపుకోవాలి. అనంతరం అందులో కసూరి మేతి వేసుకొని బాగా కలుపుకోవాలి. చివరగా దానిపైన కొత్తిమీర వేసుకొని ఓసారి కలుపుకుంటే ఎంతో రుచికరమైన కాలీఫ్లవర్ మసాలా కర్రీ సిద్ధమైనట్లే. దీనిని జొన్న రోటీ, పరోటా, అన్నంతో కలుపుకొని తింటే ఆ రుచి అద్భుతంగా ఉంటుంది.