చెట్టినాడ్ స్టైల్ టమాటో పుదీనా చట్నీ..ఇడ్లీ,దోశెలలోకి దీన్ని మించినది లేదు,ఇలా చేసుకోండి

చెట్టినాడ్ వంటకాలకు పేరు పెట్టక్కర్లేదు. కళ్లు మూసుకొని తినేయొచ్చు. అంత టేస్టీగా ఉంటాయి. చెట్టినాడ్ అంటే తమిళనాడులోని శివగంగా జిల్లాలోని 56 గ్రామాలను, పుదుకోట్టైలోని 20 గ్రామాలను కలిపి చెట్టినాడ్ అని పిలుస్తారు. చెట్టినాడ్ వంటకాల రుచి, ప్రత్యేకత దేశవ్యాప్తంగా చాలా ప్రసిద్ధి చెందాయి.

ఇడ్లీ, దోసెలలోకి రెగ్యులర్ గా ఒకే రకమైన చేయడానికి బదులుగా చెట్టినాడ్ స్టైల్ చట్నీని చాలామంది ఇష్టపడతారు. అటువంటి రుచికరమైన చెట్టినాడ్ చట్నీలలో ఒకటి టొమాటో పుదీనా చట్నీ. చెట్టినాడ్ స్టైల్ టమాటో పుదీనా చట్నీకి ఉల్లిపాయ, వెల్లుల్లి, కొబ్బరి వంటివి ఏమీ అవసరం లేదు. చెట్టినాడ్ టమోటో పుదీనా చట్నీ ఎలా చేయాలో ఇక్కడ చూడండి.

టమాటో పుదీనా చట్నీ తయారీకి కావాల్సిన పదార్థాలు

-తరిగిన టమోటాలు 1 కప్పు
-పుదీనా ఆకులు 1/4 కప్పు
-కొత్తిమీర 1/4 కప్పు
-జీలకర్ర 1 టేబుల్ స్పూన్
-ఎర్ర మిరపకాయలు 5
- నూనె 1టేబుల్ స్పూన్ వేయించడానికి, 1 టేబుల్ స్పూన్ మసాలా కోసం
- ఆవాలు 1/2 టేబుల్ స్పూన్
-కరివేపాకు
-ఉప్పు

చెట్టినాడ్ టమాటో పుదీనా చట్నీ తయారీ విధానం

- ముందుగా స్టవ్ మీద పాన్ పెట్టి అందులో ఆయిల్ వేసి వేడయ్యాక అందులో జీలకర్ర వేయాలి. జీలకర్ర చిమ్మినప్పుడు మిరపకాయలు వేసి కొన్ని నిమిషాలు వేయించాలి.

- ఇప్పుడు పుదీనా, కొత్తిమీర తరుగు వేసి కొద్దిగా వేయించాలి.

- ఇప్పుడు చిన్న ముక్కలుగా కట్ చేసిన టొమాటోలు వేసి అవి మెత్తబడే వరకు వేయించాలి.

- టొమాటోలు బాగా ఉడికిన తర్వాత పూర్తిగా చల్లారనివ్వాలి. ఈ మిశ్రమాన్ని మిక్సీలో వేసి అవసరమైనంత ఉప్పు వేసి మెత్తగా గ్రైండ్ చేసుకోవాలి.

-గ్రైండ్ చేసి పేస్ట్‌లా చేయకూడదు, పుదీనా, కొత్తిమీర ఆకులు కొద్దిగా కనిపించాలి.

- చట్నీని ఒక గిన్నెలోకి తీసి పెట్టుకోండి.

-ఇప్పుడు చట్నీ మసాలా రెడీ చేసుకోవాలి.ఇందుకోసం ఒక పాన్ లో 1 స్పూన్ ఆయిల్ పోసి ఆవాలు వేసి, పోపు గింజలు వేసి తర్వాత చట్నీ అందులో పోయాలి.

- సూపర్ చెట్టినాడ్ టమోటో పుదీనా చట్నీ రెడీ. ఇది ఇడ్లీ, దోసెలలో దీన్ని తింటే ఎన్నైనా తినేయొచ్చు.