డిసెంబర్ 31 పార్టీకి అదిరిపోయే కిక్ ఇచ్చే క్రిస్పీ చికెన్ ఫ్రై రెసిపీ ఇదే

డిసెంబర్ 31 నైట్ అంటేనే సెలబ్రేషన్స్, పార్టీలు, రుచికరమైన ఆహారం. పాత సంవత్సరానికి వీడ్కోలు పలుకుతూ, కొత్త సంవత్సరానికి స్వాగతం పలికే ఈ తరుణంలో..కుటుంబసభ్యులు, స్నేహితులతో కలిసి ఎంజాయ్ చేయడానికి క్రిస్పీ చికెన్ ఫ్రై ఒక అద్భుతమైన ఆప్షన్.

సాధారణంగా మనం రెస్టారెంట్లలో తినే చికెన్ ఫ్రై ఎంతో కరకరలాడుతూ, లోపల జ్యూసీగా ఉంటుంది. ఈ డిసెంబర్ 31 నైట్ పార్టీలోకి అచ్చం రెస్టారెంట్ స్టైల్‌ లో క్రిస్పీ చికెన్ ఫ్రై ఇంట్లోనే ఎలా తయారు చేసుకోవాలో ఇక్కడ చూడండి.

తయారీకి కావాల్సిన పదార్ధాలు
-చికెన్
-పచ్చిమిర్చి
-వెల్లుల్లి
-అల్లం
-మిరియాలు
-ధనియాలు
-ఎండుమిర్చి
-పసుపు
-ఉప్పు
-కారం
-జీడిపప్పు
-చింతపండు
-కరివేపాకు
-కొత్తిమీర
-షాజీరా
-మొక్కజొన్న పిండి
-బియ్యం పిండి
-ఆయిల్

తయారీ విధానం

-ముందుగా అర కేజీ చిన్నగా కట్ చేసిన చికెన్ ముక్కలకు ఉప్పు బాగా పట్టించి శుభ్రంగా కడగాలి.

-తర్వాత ఓ బౌల్ లో కడిగిన చికెన్ ముక్కలు, 2 టీస్పూన్ల కారం, సన్నగా తరిగిన కొంచెం కరివేపాకు, రుచికి సరిపడా ఉప్పు, పావు టీస్పూన్ కారం, అర చెక్క నిమ్మరసం, 2 టేబుల్ స్పూన్ల కొత్తిమీర తురుము వేసి మొత్తం చికెన్ ముక్కలకు పట్టేలా బాగా కలిపి పక్కన పెట్టుకోండి.

-తర్వాత స్టవ్ మీద పాన్ పెట్టి అందులో అర టీస్పూన్ మిరియాలు, అర టీస్పూన్ షాజీరా, అర టీస్పూన్ జీలకర్ర, 1 టీస్పూన్ ధనియాలు, 3 యాలకలు, కొంచెం దాల్చిన చెక్క, 4 లవంగ మొగ్గలు, 5 ఎండుమిరపకాయలు, 2 రెమ్మల చింతపండు వేసి సన్నని సెగ మీద 2 నిమిషాలు వేయించి స్టవ్ ఆపేసి చల్లారనివ్వాలి.

-చల్లారిన తర్వాత వాటిని మిక్సీ గిన్నెలో వేసి,ఇందులోనే 15 వెల్లుల్లి రెబ్బలు, 1 ఇంచు అల్లం ముక్కలు, 3 పచ్చిమిరపకాయలను తుంచి వేసి మొత్తాన్ని లైట్ గా బరకగా గ్రైండ్ చేసుకోవాలి.

-గ్రైండ్ చేసుకున్న మసాలా పొడిని చికెన్ ముక్కల్లో వేసి బాగా కలపాలి. తర్వాత చికెన్ ముక్కల్లోనే అరకప్పు బియ్యం పిండిని, 2 టేబుల్ స్పూన్ల మొక్కజొన్న పిండిని, 2 టీస్పూన్ల నీళ్లను చల్లుకుంటూ మొత్తం బాగా కలిసేలా కలుపుకొని మూతపెట్టి కనీసం అరగంట సేపు పక్కన పెట్టుకోండి.

-అరగంట తర్వాత స్టవ్ మీద బాండీ పెట్టి అందులో డీప్ ఫ్రై చేయడానికి సరిపడా ఆయిల్ పోసి వేడి చేశాక కొన్ని చికెన్ ముక్కలను ఒక్కొక్కటిగా అందులో వేసి మీడియం మంట మీద వేయించాలి.

-చికెన్ ముక్కలుగా బాగా వేగాక అప్పుడు అందులో కొంచెం కరివేపాకు వేసి 1 నిమిషం వేయించాక చికెన్ ముక్కలతో పాటు కరివేపాకును కూడా ప్లేట్ లోకి తీసుకోండి.

-ఇలాగే,రెండోసారి మిగిలిన చికెన్ ముక్కలను చికెన్ ముక్కలను బాండీలో వేసి అవి వేగాక 5 చితకొట్టిన వెల్లుల్లి రెబ్బలు, గాట్లు పెట్టిన 4 పచ్చిమిరపకాయలు, 2 టేబుల్ స్పూన్ల జీడిపప్పు పలుకులు వేసి చికెన్ ముక్కలతో పాటు వీటిని బాగా ఫ్రై చేసి ప్లేట్ లోకి తీసుకోండి.

-అంతే రెస్టారెంట్ స్టైల్ క్రిస్పీ చికెన్ ఫ్రై రెడీ.