డాడీకి డయాబెటిస్ ఉందా? ఫాదర్స్ డేకి ఈ 3 షుగర్ ఫ్రీ స్పెషల్ వంటకాలతో సర్ ఫ్రైజ్ ఇవ్వండి

ఫాదర్స్ డే అనేది నాన్నను ఆనందపరిచే అద్భుతమైన సందర్భం. కానీ ఆయనకు మధుమేహం ఉంటే లేదా చక్కెర తక్కువగా తీసుకోవాలంటే ఏం చేయాలి? ప్రేమకు చక్కెర పూత పూయాల్సిన అవసరం లేదు. మీ నాన్న ఆరోగ్య ప్రియుడు అయినా లేదా మధుమేహాన్ని నియంత్రించుకుంటున్నా పోషకాహార నిపుణులచే ఆమోదించబడిన 3 చక్కెర లేని వంటకాలు ఆయనకు చేసి పెట్టొచ్చు. ఈ వంటకాలు చక్కెరలో తక్కువగా, రుచిలో పుష్కలంగా ఉంటాయి. ఆరోగ్యం, రుచి కలగలసి ఉండగలవని ఇవి నిరూపిస్తాయి.

చక్కెర లేని రాగి బాదం లడ్డూలు

ఇది ఎందుకు మంచిది: రాగిలో ఫైబర్ అధికంగా ఉంటుంది, రక్తంలో చక్కెర స్థాయిలు పెరగకుండా నియంత్రిస్తుంది. బాదం మంచి కొవ్వులను అందిస్తుంది, ఇక ఖర్జూరాలు సహజమైన తీపిని ఇస్తాయి.

కావాల్సినవి

-రాగి పిండి - 1 కప్పు
-బాదం పిండి లేదా సన్నగా పొడి చేసిన బాదం - 1/4 కప్పు
-నెయ్యి - 2 టేబుల్ స్పూన్లు
-సన్నగా తరిగిన గింజలు లేని ఖర్జూరాలు - 4-5
-యాలకుల పొడి - 1/4 టీస్పూన్
-గోరువెచ్చని పాలు-కలపడానికి సరిపడా

తయారీ విధానం

-నాన్ స్టిక్ పాన్‌ లో రాగి పిండిని మంచి వాసన వచ్చే వరకు డ్రై రోస్ట్ చేయండి.
-బాదం పిండిని వేసి రోస్ట్ చేయడం కొనసాగించండి.
-నెయ్యి వేసి బాగా కలపండి.
-ఖర్జూరాలు, యాలకుల పొడిని కలపండి.
-గోరువెచ్చని పాలను కొద్ది కొద్దిగా కలుపుతూ పిండిలా చేయండి.
-లడ్డూలుగా చేసి చల్లారనివ్వండి.

Breakfasts for diabetic dads: నో షుగర్,జస్ట్ లవ్..డయాబెటిక్ తండ్రుల కోసం బెస్ట్ బ్రేక్ ఫాస్ట్ లు ఇవే

డార్క్ చాక్లెట్ చియా పుడ్డింగ్ (షుగర్ లేకుండా)

ఇది ఎందుకు మంచిది: చియా విత్తనాలలో ఫైబర్ పుష్కలంగా ఉంటుంది, గ్లూకోజ్ శోషణను నెమ్మదిస్తుంది. కోకో తీపిని అందిస్తుంది, ఇక స్టెవియా మధుమేహ వ్యాధిగ్రస్తులకు సురక్షితమైనది.

కావాల్సినవి

-చియా విత్తనాలు - 2 టేబుల్ స్పూన్లు
-తీపి లేని బాదం లేదా ఓట్ పాలు - 1 కప్పు
-తీపి లేని కోకో పౌడర్ - 1 టేబుల్ స్పూన్
-లిక్విడ్ స్టెవియా లేదా ఎరిథ్రిటోల్ - కొన్ని చుక్కలు
-వెనిలా ఎసెన్స్ - 1/4 టీస్పూన్
-చిలికిన బాదం లేదా బెర్రీలు

తయారీ విధానం

-అన్ని పదార్థాలను ఒక జార్‌ లో కలపండి. బాగా షేక్ చేయండి.
-4-6 గంటలు లేదా రాత్రిపూట ఫ్రిడ్జ్ లో ఉంచండి.
-వడ్డించే ముందు బెర్రీలు లేదా చిలికిన బాదం పప్పుతో అలంకరించండి.

నాన్నకు ఎందుకు నచ్చుతుంది: ఈ డెజర్ట్ తేలికైనది, ఇంకా తృప్తినిస్తుంది. చియా విత్తనాలు ఆకృతిని అందిస్తాయి, కోకో చక్కెర లేకుండా ఆ విలాసవంతమైన చాక్లెట్ రుచిని తెస్తుంది.

పెసరపప్పు కూరగాయల చిల్లా

ఇది ఎందుకు మంచిది: ప్రొటీన్, కాంప్లెక్స్ కార్బోహైడ్రేట్లతో నిండిన ఈ రుచికరమైన వంటకం రక్తంలో చక్కెర నియంత్రణకు మద్దతు ఇస్తుంది, ఆకలిని తగ్గిస్తుంది.

కావాల్సినవి

-నానబెట్టిన పసుపు పెసరపప్పు - 1 కప్పు
-జీలకర్ర - 1/2 టీస్పూన్
-సన్నగా తరిగిన కూరగాయలు (ఉల్లిపాయ, క్యాప్సికమ్, పాలకూర)
-పచ్చిమిర్చి - 1 (ఐచ్ఛికం)
-రుచికి సరిపడా ఉప్పు
-పసుపు - 1/4 టీస్పూన్
-ఇంగువ - చిటికెడు
-నెయ్యి లేదా ఆయిల్

తయారీ విధానం

-నానబెట్టిన పప్పును కొద్దిగా నీటితో కలిపి నునుపైన పిండిలా చేయండి.
-అన్ని మసాలా దినుసులు, కూరగాయలను కలపండి.
-నాన్ స్టిక్ పాన్‌ ను వేడి చేసి పిండిని ప్యాన్‌ కేక్‌ల మాదిరిగా పోయండి.
-నెయ్యి లేదా నూనెను తేలికగా వేయండి.
-రెండు వైపులా బంగారు రంగు వచ్చేవరకు కాల్చండి.
-పుదీనా చట్నీ లేదా పెరుగుతో వేడి వేడిగా సర్వ్ చేయండి.