బరువు తగ్గాలనుకునేవారు ఈ దోశ తినాలి.. ఎలా చేసుకోవాలంటే?

ఈ మోడ్రన్ కాలంలో చాలా మంది బరువు తగ్గేందుకు, ఆరోగ్యంగా ఉండేందుకు ప్రయత్నిస్తున్నారు. ప్రతి ఒక్కరూ డైట్ పాటిస్తూ.. జిమ్‌ చేస్తున్నారు. ఈ క్రమంలో వారికి ఇష్టమైన ఆహారాన్ని వదులుకుంటున్నారు. కొందరైతే పొద్దున్న బ్రేక్ ఫాస్ట్ కూడా మానేస్తున్నారు. అయితే బరువు తగ్గాలనుకునేవారు, వారికి ఇష్టమైన బ్రేక్ ఫాస్ట్ మానకుండా, తినే విధంగా ఉండే ఒక టిఫిన్ వంటకాన్ని ఈరోజు మీకు పరిచయం చేస్తాము.

అదే.. పనీర్ బీట్‌రూట్ దోశ. ఇది తింటే ఆరోగ్యంతో పాటు బరువు కూడా సులువుగా తగ్గొచ్చు. అయితే ఈ పనీర్ బీట్‌రూట్ దోశను ఎలా చేసుకోవాలి, చేసుకునే విధానం ఏంటి? దానికి కావాల్సిన పదార్థాలు ఏంటి అనేది ఈరోజు తెలుసుకుందాం.

కావాల్సిన పదార్థాలు:

ముందుగా ఈ పనీర్ బీట్‌రూట్ దోశ తయారు చేయడానికి కావాల్సిన పదార్థాలు ఏంటో ఇప్పుడు తెలుసుకుందాం..

> దోశ పిండి
> బీట్‌రూట్
> పనీర్,
> పనీర్ సగ్గుబియ్యం
> ఉల్లిగడ్డ
> క్యారట్
> పచ్చి మిర్చి
> ఎర్రటి ఉప్పు మిరపకాయలు
> నూనె
> ధనియాల పొడి

తయారీ విధానం:

ముందుగా దోశ పిండిని కలుపుకోవాలి. అందులో బీట్‌రూట్ నుంచి వేరు చేసిన రసాన్ని కలుపుకొని.. బాగా కలుపుకోవాలి. అది కూడా బాగా సన్నగా కాకుండా దోశ వేసుకునేందుకు వీలుగా, కొంచెం టైట్‌గా కలుపుకోవాలి. తరువాత ఆ మిశ్రమాన్ని కాసేపు పక్కన పెట్టుకోవాలి.

తరువాత స్టవ్ ఆన్ చేసి, పెనం పెట్టి.. అందులో నూనె వేసి వేడి చేయాలి. నూనె వేడయ్యాక అందులో సన్నగా తరిగిన ఉల్లిగడ్డ ముక్కలు వేసుకోవాలి. ఉల్లిగడ్డ ముక్కలు కొంచెం వేగాక.. అందులో పచ్చిమిర్చి, క్యారట్, మెత్తగా చేసుకున్న పనీర్ ముక్కలను వేసుకోవాలి.

అవన్నీ కొద్దిసేపు వేగాక.. అందులో ఉప్పు, కారం, ధనియాల పొడి వేసి బాగా కలుపుకోవాలి. పనీర్ ముక్కలతో పాటు ఉల్లిగడ్డ ముక్కలకు కూడా మసాలా బాగా పట్టే విధంగా కలుపుకోవాలి. గ్యాస్ ఆపే ముందు అవన్నీ బాగా కలిశాయ లేదా అనేది నిర్ధారించుకొని ఆఫ్ చేయాలి.

ఇప్పుడు.. దోశ పెంక తీసుకొని.. దానిపై కొన్ని చుక్కల నూనె పోసి పెంక మొత్తం బాగా పోసుకోవాలి. ఇప్పుడు మనం ముందుగానే కలిపి పెట్టుకున్న బీట్‌రూట్ దోశ పిండిని పెంకపైన వేసి దోశ వేసుకోవాలి. దోశ ఎప్పుడైతే లేత బంగారు వర్ణంలో మారుతుందో అప్పుడు ఇంకోవైపు తిప్పి దానిపై మనం కలిపి పెట్టుకున్న పనీర్ మిశ్రమాన్ని వేసి, కొంచెం ఆయిల్ పోసి.. కొద్దిసేపు పెనం మీద ఉంచి, కిందకు దించుకోవాలి. అంతే చాలా సులభంగా, ఆరోగ్యకరమైన పనీర్ బీట్‌రూట్ దోశ సిద్ధమైనట్లే.