గుడ్డుతో ఈ కూర చేసి తినండి.. మళ్ళీ వదిలితే ఒట్టు.. లొట్టలేసుకుని తినాల్సిందే.. ఎలా తినాలంటే?

మీ ఇంట్లో గుడ్లు ఉన్నాయా? ఎప్పుడూ గుడ్డును ఆమ్లెట్‌గానో, ఫ్రీగానే చేసుకొని తింటున్నారా? అయితే ఈసారి గుడ్డును ఫ్రై చేసుకొని.. కర్రీ చేసుకొని తినండి. ఇది చేసుకోవడానికి చాలా సులభంగా, తినడానికి చాలా రుచి కరంగా ఉంటుంది. ఇది చాలా సులభంగా చేసుకోవచ్చు కాబట్టి.. వంటరాని వ్యక్తులు కూడా దీనిని సులభంగా చేసుకోవచ్చు. ఇది కేవలం 15 నిమిషాల్లోనే సిద్ధమైపోతుంది. అన్నం, చపాతీ, రోటిలలో తినడానికి ఇది మంచి ఆప్షన్ అవుతుంది.

అయితే ఈ ఎగ్ గ్రేవీ కర్రీని ఎలా చేసుకోవాలి? ఈ కర్రీ తయారు చేయడానికి కావాల్సిన పదార్థాలు ఏంటి? అనేది ఈ స్టోరీలో తెలుసుకుందాం.

ఎగ్ గ్రేవీ తయారీకి కావాల్సిన పదార్థాలు

• నూనె - 3 టేబుల్ స్పూన్లు
• ఆవాలు - 1/2 టేబుల్ స్పూన్లు
• సోంపు - 1 టేబుల్ స్పూన్
• ఉల్లిపాయ - 3 (సన్నగా తరిగినవి)
• కరివేపాకు - 1 కట్ట
• టొమాటోలు - 2 (సన్నగా తరిగినవి)
• అల్లం వెల్లుల్లి పేస్ట్ - 1 టేబుల్ స్పూన్
• పసుపు పొడి - 1/2 tsp
• కులంబు కారం పొడి - 1 tsp
• కారం పొడి - 1/2 tsp
• ఉప్పు - రుచికి సరిపడా
• నీరు - అవసరమైనంత
• జీలకర్ర పొడి - 1/2 tsp
• మిరియాల పొడి - 1 tsp
• గుడ్డు - 5
• కొత్తిమీర - కొద్దిగా

ఎగ్ గ్రేవీ తయారీ విధానం

• ముందుగా కోడిగుడ్లను ఉడకబెట్టి 2 ముక్కలుగా చేసి విడిగా ఉంచుకోవాలి.
• తర్వాత పొయ్యిమీద కడాయి పెట్టి అందులో నూనె పోసి వేడయ్యాక ఆవాలు, ఇంగువ వేసి తాలింపు వేయాలి.
• తర్వాత సన్నగా తరిగిన ఉల్లిపాయ, కరివేపాకు వేసి బంగారు రంగు వచ్చేవరకు వేయించాలి.
• తర్వాత సన్నగా తరిగిన టొమాటో, అల్లం వెల్లుల్లి పేస్ట్ వేసి మెత్తగా అయ్యేవరకు వేయించాలి.
• తర్వాత పసుపు, కరివేపాకు, కారం, రుచికి సరిపడా ఉప్పు వేసి సన్న మంట మీద ఉంచి 2 నిమిషాలు తిప్పి పచ్చి వాసన పోయే వరకు ఉడకనివ్వాలి.
• తర్వాత అందులో కొన్ని నీళ్లు పోసి గిలకొట్టి నూనె విడిపోయే వరకు మరిగించాలి.
• తర్వాత అందులో జీలకర్ర పొడి, మిరియాల పొడి వేసి కదిలించుకోవాలి. అనంతరం ఉడికించిన, ముక్కలు చేసిన గుడ్లను వేసి, అయిదు నిమిషాల పాటు ఉడికించుకోవాలి.
• ఆ తర్వాత కోడిగుడ్లు వేసి 5 నిమిషాలు ఉడకబెట్టి కొత్తిమీర చల్లి తిప్పితే రుచికరమైన ఎగ్ గ్రేవీ రెడీ.