గసగసే పాయస రెసిపి : గసగసాల పాయసం చేయటం ఎలా

కర్ణాటక రాష్ట్ర సంప్రదాయ స్వీటు వంటకం గసగసే పాయసం. ఇది అన్ని ప్రముఖ పండగలకి, రోజులకీ వండుకుంటారు. దీన్ని గసగసాలు, కొబ్బరి, బెల్లంతో తయారుచేస్తారు.

గసగసాల పాయసం ఎన్నో పోషకవిలువలున్నది మరియు చాలా చలవచేసేది. అందుకే భోజనం తర్వాత తీసుకుంటారు. నోటి పుళ్ళు, నిద్రలేమిని తగ్గించటానికి కూడా దీన్ని తింటారు. ఈ పాయసాన్ని తాగిన వెంటనే నిద్రమత్తు వస్తుంది.

ఖుస్ ఖుస్ ఖీర్ అన్ని పండగలకి చేసుకోదగ్గ సులభమైన స్వీటు పదార్థం. మీకు బెల్లంతో చేసిన స్వీట్లు ఇష్టమైతే, ఈ పాయసం మీ నాలుకకి ఎంతో ఆనందాన్నిస్తుంది. చిత్రాలు, వీడియోల సాయంతో తయారీ విధానం చదివేసి త్వరత్వరగా చేసుకోండి.

స్టెప్ బై స్టెప్ - గసగసే పాయస తయారీ ఎలా

1. గసగసాలను ఒక వేడిచేసిన పెనంలో తీసుకోండి.

2. అవి కొంచెం బ్రౌన్ రంగులోకి మారేవరకు పొడిగా వేయించండి.

3. స్టవ్ పై నుంచి తీసేసి చల్లబడనివ్వండి.

4. ఈ లోపల ఆ వేడిపెనంలో బెల్లం వేయండి.

5. పావు కప్పు నీళ్ళు పోసి బాగా కలపండి.

6. మూతపెట్టి బాగా కరగనివ్వండి.

7. అదే సమయంలో, గసగసాలను మిక్సీలో వేయండి.

8. కొబ్బరికోరు,ఏలకులను కూడా వేయండి.

9. పావుకప్పు నీళ్ళు పోసి మిక్సీని తిప్పి పేస్ట్ లా తయారుచేయండి.

10. బెల్లం కరిగాక, ఈ మిశ్రమాన్ని వేసి బాగా కలపండి.

11. 2-3 నిమిషాల పాటు మధ్య మంటపైన ఉడకనివ్వండి.

12. మాడిపోకుండా అప్పుడప్పుడూ కలుపుతూ ఉండండి.

13. ఉడికాక, వేడివేడిగా వడ్డించండి.