పాతకాలం నాటి ఉలవచారు..ఫైవ్ స్టార్ హోటల్ లో కూడా ఇది దొరకదు..ఈజీగా ఎలా చేసుకోవాలంటే..

ఉలవచారు లేదా ఉలవకట్టు అనగానే తెలుగువారికి నోరూరుతుంది. పాతకాలంలో అమ్మమ్మలు, నానమ్మలు ఎంతో ఓపికగా కట్టెల పొయ్యి మీద మట్టి కుండలో చేసే ఈ ఉలవచారు రుచి అద్భుతంగా ఉంటుంది. వాతావరణం చల్లగా ఉన్న సమయంలో వేడివేడిగా ఈ చారును తాగినా, అన్నంలో కలుపుకుని తిన్నా శరీరానికి ఎంతో వెచ్చదనం, బలం చేకూరుతాయి. ఎలాంటి ప్యాకెట్ పొడులు వాడకుండా, ఇంట్లోనే రోట్లో దంచిన మసాలాతో అసలు సిసలైన ఉలవచారు ఎలా తయారు చేయాలో ఇక్కడ చూడండి.

ఉలవచారు తయారీకి కావాల్సిన పదార్థాలు

-చింతపండు
-ఉలవలు
-ఉప్పు
-టమాటోలు
-పచ్చిమిర్చి
-ఎండుమిర్చి
-కళ్లు ఉప్పు
-పసుపు
-మిరియాలు
-వెల్లుల్లి
-ఆవాలు
-జీలకర్ర
-ధనియాలు
-నూనె
-కరివేపాకు
-కొత్తిమీర
-ఎండుకొబ్బరి తురుము
-ఇంగువ

జస్ట్ 10 నిమిషాల్లో ఫైవ్ స్టార్ హోటల్ స్టైల్ మష్రూమ్ ఆనియన్ పకోడీ.. ఈ చిన్న ట్రిక్ పాటిస్తే అదిరిపోతుంది!

ఉలవచారు తయారీ విధానం

-ఉలవచారు తయారీ కోసం ముందుగా పెద్ద నిమ్మకాయ సైజు అంత చింతపండులో ఒకటిన్నర లీటరు నీళ్లు పోసి నానబెట్టుకోండి.

-ముందుగా స్టవ్ మీద బాండీ పెట్టి అందులో 3 టేబుల్ స్పూన్ల ఉలవలు వేసి సన్నని మంట మీద కలుపుతూ వేయించాలి. అవి చిట్లుతున్నప్పుడు స్టవ్ ఆపేసి వాటిని చల్లారనివ్వాలి.

-చల్లారిన తర్వాత ఆ ఉలవలను మిక్సీ గిన్నెలో వేసి మెత్తని పొడిలా గ్రైండ్ చేసుకోండి.

-తర్వాత స్టవ్ మీద బాండీ పెట్టి అందులో అర టేబుల్ స్పూన్ మిరియాలు, 4 ఎండుమిరపకాయలు, 1 టీస్పూన్ జీలకర్ర, 1 టేబుల్ స్పూన్ ధనియాలు వేసి సన్నని సెగ మీద మంచి సువాసన వచ్చేవరకు మాత్రమే కలుపుతూ వేయించాలి. 3లేదా 4 నిమిషాలకు ఇవి వేగిపోతాయి. అప్పుడు స్టవ్ ఆపేసి వీటిని చల్లారనివ్వాలి.

-ఇప్పుడు మిక్సీ గిన్నెలో గ్రైండ్ చేసి ఉంచిన ఉలవల మిశ్రమంలోనే చల్లారిన మసాలా దినుసులను వేసి మొత్తాన్ని మరోసారి గ్రైండ్ చేసుకోవాలి. కొంచెం బరకగానే గ్రైండ్ చేసుకోండి.

-ఇప్పుడు ఒక గిన్నెలో రెండు పచ్చిమిర్చి చీలికలు. 1 రెబ్బ కరివేపాకు, కొంచెం కొత్తిమీర తరుగు, పండిన 2 టమాటోల ముక్కలు, రాళ్ల ఉప్పు వేసి చేత్తో ఈ మొత్తాన్ని పిండుతూ సారం తీయండి.

-టమాటోలను మెత్తగా చిదుముకొని సారం తీసిన తర్వాత అందులోనే ఒకటిన్నర లీటరు చింతపండు రసం పోసి మళ్లీ టమాటోలను గట్టిగా పిండుతూ సారం తీయండి. ఇప్పుడు ఈ మిశ్రమంలో కొద్దిగా పసుపు, గ్రైండ్ చేసి పెట్టుకున్న ఉలవల పొడి వేసి గడ్డలు లేకుండా బాగా కలుపుకోవాలి.

-ఇప్పుడు స్టవ్ మీద ఒక గిన్నె పెట్టి అందులో కలుపుకున్న మిశ్రమం అంతా పోసి అందులోని పచ్చి మిర్చి మెత్తబడేవరకు మరిగించండి. చారు మరుగుతున్నప్పుడే అందులో 1 టేబుల్ స్పూన్ బెల్లం వేయండి.

-చారు బాగా మరిగి మెత్తబడేలోగా తాలింపు రెడీ చేసుకోండి. ఇందుకోసపం స్టవ్ మీద బాండీ పెట్టి 2 టేబుల్ స్పూన్ల ఆయిల్ వేసి వేడయ్యాక అందులో 1 ఎండుమిర్చి ముక్కలు, అర టీస్పూన్ ఆవాలు, పావు టీస్పూన్ జీలకర్ర, 10 దంచిన వెల్లుల్లి రెబ్బలు, 1 రెబ్బ కరివేపాకు, కొంచెం ఇంగువ వేసి తాలింపుని ఎర్రగా వేయించాలి.

-వేగిన తాలింపుని స్టవ్ మీద సన్నని సెగ మీద మరుగుతున్న చారులో పోసి కలుపుకోవాలి. చివరగా చారులో 2 టేబుల్ స్పూన్ల పచ్చి కొబ్బరి తురుము, కొత్తిమీర తరుగు వేసుకొని కలిపి ఒక పొంగు రానిచ్చి స్టవ్ ఆపేయండి.

-అంతే అసలు సిసలైన ఉలవచారు రెడీ.