చద్దన్నంలో ఈ చేపలు పెట్టుకొని తింటే.. జన్మకి ఇంకేదీ అక్కర్లేదనిపిస్తుంది,ఎలా చేయాలంటే

ఈ రోజుల్లో ఆరోగ్యంగా ఉండాలి అంటే తీసుకునే ఆహారమే మెయిన్. తీసుకునే ఫుడ్ ఆరోగ్యమైనదయితే జీవితంలో హాస్పిటల్స్ కి పెద్దగా వెళ్లాల్సిన అవసరమే ఉండదు. పాతకాలంలో మన పెద్దలు గొడ్డులా కష్టపడేవారు..దీనికి శక్తి వారు తీసుకున్న ఆహారం వల్లనే వచ్చేది..కల్తీ లేని ఆహారం తినడం వల్లనే వారు ఎలాంటి అనారోగ్యాలు లేకుండా మంచి జీవితాన్ని గడిపారు. అయితే అలాంటి ఆహారాల్లో చద్దన్నం ఒకటి. చదన్నంతో పాటు ఫ్రై చేసిన చిన్న చేపలను నంజుకొని తింటే కోటి రూపాయలు ఇచ్చినా అలాంటి టేస్ట్ రుచి చూడలేరు. చద్దన్నం,చిన్న చేపల ఫ్రైని ఇంట్లోనే ఈజీగా తయారుచేసుకోవచ్చు. చద్దన్నం,చిన్న చేపల ఫ్రై ఇంట్లో ఎలా తయారుచేసుకోవాలి,దీని తయారీకి కావలసిన పదార్థాలు ఏంటో ఇక్కడ చూడండి.

కావలసిన పదార్థాలు
చద్దన్నం
ఉల్లిపాయ
పచ్చిమిర్చి
చిన్న చేపలు(పక్కీలు)
ఉప్పు
కారం
కరివేపాకు
పెరుగు
అల్లం పేస్ట్

తయారీ విధానం

-ముందుగా ఓ గిన్నెలో చద్దం వెసుకోవాలి. అన్నం మునిగివేరకు అందులో మంచినీళ్లు పోసుకోవాలి. కావాలనుకుంటే గంజి కూడా పోసుకోవచ్చు.

-ఇప్పుడు అందులోనే సగం గ్లాస్ గోరువెచ్చని పాలను పోయండి.

-తర్వాత అందులోనే రెండు చెంచాల పెరుగు కూడా వేసి మొత్తం కలిసేలా బాగాచేత్తో కలపండి.

-తర్వాత అందులోనే నాలుగు పచ్చిమిర్చి అలాగే వేసి, ఒక పెద్ద ఉల్లిపాయను నాలుగు ముక్కలుగా కట్ చేసి వేయండి.

-ఇప్పుడు గిన్నె మీద మూత పెట్టి రాత్రంతా అలాగే వదిలేయండి. తెల్లవారిన తర్వాత దీన్ని అలాగే తినవచ్చు.

-అయితే చద్దన్నంలో నంచుకోడానికి చిన్న చేపలు చాలా బాగుంటాయి. ఇందుకోసం పక్కీలు(చిన్న చేపలు)ను తల,తోక కట్ చేసి ఓ గిన్నెలో వేసి శుభ్రంగా కడగాలి.

-తర్వాత అందులో ఉప్పు,కారం,అల్లం పేస్ట్ వేసి బాగా కలపాలి.

కేరళ స్పెషల్ పుట్టు..బ్రేక్ ఫాస్ట్ లోకి సూపర్,ఆరోగ్యం కూడా..ఎలా చేయాలంటే

-ఇప్పుడు స్టవ్ ఆన్ చేసి దాని మీద పెనం పెట్టి మీద కొంచెం ఆయిల్ పోసి వేడయ్యాక అందులో మూడు కరివేపాకు రెబ్బలు పెట్టి కలుపుకున్న చేపలను పెనం మీద వేసి కాల్చుకోవాలి.

-రెండు వైపులా బాగా కాల్చిన చేపలను ఓ ప్లేట్ లోకి తీసుకోండి.

-ఇప్పుడు చద్దన్నం గిన్నెలో రుచికి సరిపడా ఉప్పు వేసి కలుపుకోండి. తర్వాత ఈ చద్దన్నంతో చేపలు నంజుకొని తింటే టేస్ట్ అదిరిపోతుంది.