Banana Halwa: నోట్లో వేస్తే కరిగిపోయే 'బనానా హల్వా'..ఇంట్లోనే ఈజీగా ఇలా చేసుకోండి

ఏ వయస్సు వారైనా ఇష్టపడే స్వీట్ ఏదైనా ఉందంటే అది హల్వానే. హల్వాలో చాలా రకాలు ఉంటాయి. అందులో బనానా హల్వా ఒకటి. సాధారణంగా ఈ బనానా హల్వా ఎక్కువగా కేరళలో స్వీట్ షాపులలో అందుబాటులో ఉంటుంది. మన దగ్గర స్వీట్ షాపులలో చాలా తక్కువగా లభించే బనానా హల్వా మీరు ఎప్పుడైనా తిన్నారా? తినలేదు అంటే మాత్రం ఇప్పుడే ఓసారి ట్రై చేయండి. బాగా టేస్టీగా ఉంటే ఈ బనానా హల్వాని ఇంట్లోనే చాలా ఈజీగా తయారుచేసుకోవచ్చు. బానానా హల్వా తయారీకి కావాల్సిన పదార్థాలు,తయారీ విధానం ఇక్కడ చూడండి.

బనానా హల్వా తయారీకి కావాల్సిన పదార్థాలు
-అరటిపండు
-తాటి బెల్లం
-నెయ్యి
-అరటిపండు
-జీడిపప్పు
-యాలకల పొడి

బనానా హల్వా తయారీ విధానం

-ముందుగా బాగా పండిన 1 కేజీ అరటిపండ్లను ముక్కలుగా కట్ చేసి మిక్సీ గిన్నెలో వేసి దానిని స్మూత్ పేస్ట్ లా గ్రైండ్ చేసుకోండి.

-ఇప్పుడు స్టవ్ మీద పాన్ పెట్టి అందులో 1/ 4 కప్పు నెయ్యి పోసి అది కొంచెం వేడెక్కాక మిక్సీలో వేసి చేసుకున్న అరటిపండు పేస్ట్ ని ఇందులో వేయండి. మీడియం మంట మీద కలుపుతూ రంగు మారే వరకు 10 నిమిషాలు ఉడికించండి.

-తర్వాత స్టవ్ మీద మరో పాన్ పెట్టి అందులో 500 గ్రాముల తాటి బెట్టం 1/4 కప్పు నీళ్లు పోసి మంటలను లో ప్లేమ్ మీద పెట్టి ఉడికించుకోండి.

-బెల్లం మంచిగా వేగి బాగా చిక్కగా అయిన తర్వాత దీనిని.. పక్కన పెట్టి ఉంచిన అరటిపండు మిశ్రమం ఉన్న పాన్ లో పోసి బాగా కలపండి.

-తర్వాత స్టవ్ ఆన్ చేసి ఈ పాన్ ని స్టవ్ మీద పెట్టుకొని స్మూత్ గా అయ్యేవరకు బాగా కలుపుతూ ఉడికించుకోండి. తర్వాత అందులో 2 టేబుల్ స్పూన్ల నెయ్యి కొంచెం కొంచెం పోస్తూ బాగా కలబెట్టుకోండి.

-తర్వాత పాన్ లో నుంచి ఆ మిశ్రమం సపరేట్ అయ్యేలా వచ్చిన తర్వాత అందులో 1/4 టేబుల్ స్పూన్ యాలకల పొడి, 3 టేబుల్ స్పూన్ ల వేయించిన జీడిపప్పులు వేసి బాగా కలపండి.

-ఇప్పుడు స్టవ్ ఆఫ్ చేసి ఓ ప్లేట్ లో కొంచెం నెయ్యి రాసి అందులో ఈ హల్వాను వేసి మంచిగా లెవల్ చేసి 3 గంటల పాటు పక్కన పెట్టుకోవాలి. ఆ తర్వాత ముక్కలుగా కట్ చేస్తే టేస్టీ బనానా హల్వా రెడీ. పిల్లల నుంచి పెద్దల వరకు దీన్ని చాలా ఇష్టంగా తింటారు.