బిసి బేలే బాత్.. మన భాషలో కిచిడీ.. ఇలా చేసుకుంటే లొట్టలేసుకుంటూ తినాల్సిందే..!

బిసి బేల్ బాత్ అంటే ఏదో కాదు, కిచిడీనే కానీ మనం మరింత స్పైసీగా దీన్ని చేసుకుంటాం. కర్నాటకలో ఇది చాలా స్పెషల్ వంటకం. దీన్ని టిఫిన్‌లాగా చేసుకుంటారు. బిసిబేల్ బాత్‌లో కూరగాయలు, పప్పు వుండడంతో ప్రొటీన్లు, విటమిన్లు పుష్కలంగా అందుతాయ్. శాఖాహారులకు ఇది చాలా మంచి పౌష్టికాహారంగా చెప్పుకోవచ్చు. బిసి బేలే బాత్‌ను ఎలా తయారు చేసుకోవాలో తెలుసుకుందాం.

బిసి బేలే బాత్ కోసం ఈ కింది వంటసాామాగ్రి కావాలి. మార్కెట్లో ఇవి చాలా సులభంగా అందుబాటులో వుంటాయ్.

1 కప్పు బియ్యం
అర కప్పు కందిపప్పు
చింతపండు
1/4 టీస్పూన్ పసుపు
2 టీస్పూన్ల నూనె
1/4 టీస్పూన్ మెంతులు
4 లవంగాలు, 12 మిరియాలు, 4 దాల్చిన చెక్కలు, 1 టేబుల్ స్పూన్ ధనియాలు
ఒకటిన్నర టీ స్పూన్ చెనగపప్పు
1 టీ స్పూన్ మినపప్పు
6 ఎండిమిరపకాయలు
ఒక టేబుల్ స్పూన్ ఎండుకొబ్బర
మునక్కాయ, బీన్స్, టమాట, ఉల్లిపాయ, ఆలుగడ్డ, క్యారెట్, క్యాప్సికం
ఉప్పు
చింతపండు రసం
మసాలా పొడి
కొద్దిగంత బెల్లం

బిసి బేలే బాత్ ను రెడీ చేసుకోవాలంటే ఇంట్లో వున్న వంటసామాగ్రే సరిపోతుంది. బయటి నుంచి ప్రత్యేకంగా తీసుకొని రావాల్సిన అవసరం లేదు. వండుకోవడానికి కావాల్సిన పదార్ధాలు ఇవే :

1. ముందుగా కుక్కర్‌లోకి 1 కప్పు బియ్యాన్ని తీసుకోవాలి.
2. అర కప్పు కందిపప్పును వేసుకోవాలి.
3. బియ్యం పప్పును 2 నుంచి 3 సార్లు బాగా కడగాలి.
4. 5 కప్పుల నీళ్లను కుక్కర్‌లో పోసుకోవాలి.
5. ఈ పప్పూ బియ్యాన్ని అరగంట సేపు నానబెట్టాలి.
6. ఒక బౌల్‌లో పెద్ద నిమ్మకాయ సైజంత చింతపండును నానబెట్టుకోవాలి.
7. అరగంట తరువాత కుక్కర్‌లో 1/4 టీస్పూన్ పసుపును వేసుకోవాలి, 2 టీస్పూన్ల నూనెను వేసుకోవాలి.
8. మూడు విజిల్స్ వచ్చేంతవరకు కుక్కర్‌ను ఉడికించాలి.
9. మూత తీసి చూస్తే బాగా ఉడికినట్లు మనం తెలుసుకోవచ్చు.
10. స్టవ్‌ పై ప్యాన్‌లో 1/4 టీస్పూన్ మెంతులను తీసుకోవాలి.
11. ఇందులోనే 4 లవంగాలు, 12 మిరియాలు, 4 దాల్చిన చెక్కలు, 1 టేబుల్ స్పూన్ ధనియాలను తీసుకొని ఫ్రై చేసుకోవాలి.
12. ఒకటిన్నర టీ స్పూన్ చెనగపప్పును, 1 టీ స్పూన్ మినపప్పును తీసుకొని ఫ్రై చేసుకోవాలి.
13. 6 ఎండిమిరపకాయలను కూడా వేసుకోవాలి.
14. ఒక టేబుల్ స్పూన్ ఎండుకొబ్బరను కూడా వేసుకోవాలి.
15. ఈ మసాలా మొత్తాన్ని మిక్సీ గ్రైండర్‌లోకి తీసుకొని బాగా గ్రైండ్ చేయాలి.
16. ఇక మసాలా పొడి మొత్తగా గ్రైండ్ అయినట్టే
17. కూరగాయలను కట్ చేసి తీసుకోవాలి. మునక్కాయ, బీన్స్, టమాట, ఉల్లిపాయ, ఆలుగడ్డ, క్యారెట్, క్యాప్సికంను కట్ చేసి తీసుకోవాలి.
18. ఈ కూరగాయలన్నింటినీ రెండు కప్పుల నీళ్లల్లో ఉడికించాలి. రుచికి సరిపడ ఉప్పును వేసుకోవాలి.
19. ఇందులో చింతపండు రసాన్ని పోసుకోవాలి.
20. మసాలా పొడిని కూడా ఇందులోనే వేసుకోవాలి.
21. మసాలా పొడిలో కొద్దిగంత బెల్లాన్ని కూడా వేసుకోవాలి.
22. కొన్ని కరివేపాకులను కూడా వేసుకొని కలుపుకోవాలి.
23. రుచికి సరిపడ ఉప్పును వేసుకోవాలి.
24. మంటను లో ఫ్లేమ్‌లో పెట్టి మూత పెట్టాలి.
25. 7 నిమిశాలు ఉడకపెడితే బిసిబేలే బాత్ రెడీ అయిపోయినట్టే.