తమిళనాడు స్పెషల్ క్యాబేజీ కూటు..ప్రొటీన్ లోడెడ్ డిష్..!!

క్యాబేజీ కూటు అనేది దక్షణ భారత దేశంలో చాలా ప్రత్యేకమైన డిష్. రుచి మాత్రమే కాదు, ఇందులో ప్రొటీన్ కంటెంట్ కూడా ఎక్కువగా వుంటుంది. ఈ డిష్ ముఖ్యంగా తమిలనాడు ప్రజల వంటకంగా చెప్పుకోవచ్చు. కూటు అనే పదం తమిళం నుంచి వచ్చింది. తమిళనాడుతో పాటు ఈ కర్నాటక, కేరళలో కూడా ఈ డిష్ చాలా పాపులర్‌. పప్పు, క్యాబేజ్, స్పైసెస్, కూరగాయలు, చింతపండు, కొబ్బరి, కరివేపాకులతో ఈ డిష్‌ను మనం తయారు చేస్తారు.

ఎలక్ట్రిక్ కుక్కర్‌లోనైనా సరే ఈ క్యాబేజ్ కూటును చేసుకోవచ్చు. అనేయ రకాల కూరగాయలతో కూటును చేస్తారు. మునక్కాయ, పొట్టకాయ, గుమ్మడికాయ, వంకాయ, ఇలా చాలా రకాల కూరగాయలతో కూటును చేస్తారు. ఇప్పుడు మనం క్యాబేజీకూటును ఎలా చేస్తారో తెలుసుకుందాం.

క్యాబేజీ కూటు కోసం కావాల్సిన పదార్ధాల చిట్టా

1/2 కప్పు కంది పప్పు
2 కప్పులు తరిగిన క్యాబేజీ
3 టేబుల్ స్పూన్ల చింతపండు
రుచి సరిపడ ఉప్పు
తగినంత పసుపు
3 టేబుల్ స్పూన్ల కొబ్బరి
5 ఎండి మిరపకాయలు
1/2 టీస్పూన్ జీలకర్ర
ఒకటిన్నర టేబుల్ స్పూన్ల చనా పప్పు
3 టీ స్పూన్ల నెయ్యి
కొన్ని కరివేపాకులు
చటికెడు ఇంగువ

క్యాబేజీ కూటును ఈ కింది విధంగా తయారు చేసుకోవాలి

1. పురుగులు లేని మంచి క్యాబేజీని మార్కెట్లో తీసుకోవాలి. దాన్ని బాగా కడిగిన తరువాత రెండు కప్పులంత క్యాబేజీని బాగా కట్ చేసుకోవాలి. కట్ చేసుకున్న తరువాత కూడా క్యాబజీని ఒక సారి బాగా కడగాలి. అలా కడగడం ద్వారా చెత్త, మందు ఏదైనా వుంటే పోతుంది.

2. 3 టేబుల్ స్పూన్ల చింతపండును వేడి నీళ్లల్లో నానబెట్టాలి. కుక్కర్‌లో అరకప్పు పప్పును తీసుకోవాలి. కందిపప్పైనా, లేదంటే పెసరపప్పునైనా తీసుకోవచ్చు.

3. నీళ్లు పోసి పప్పును బాగా శుభ్రం చేసుకోవాలి. పప్పు బాగా ఉడికేలా ఒకటిన్నర కప్పుల నీళ్లను పోసుకోవాలి, 3 విజిల్స్ వచ్చేంత వరకు కుక్కర్‌లో పప్పును బాగా ఉడకనివ్వాలి.

4. పప్పు ఒకవైపు ఉడుకుతున్నప్పుడే 2 కప్పుల కోసిన క్యాబేజీని ఉప్పు నీళ్లల్లో వేసి బాగా కడగాలి. ఇప్పుడు ఒక కడాయ్ లో 1 టీ స్పూన్ మంచి నూనె వేసి 4 ఎండిమిరపకాయలు, ఒకటిన్నర టీ స్పూన్ చెనగప్పు వేసి బాగా ఫ్రై చేసుకోవాలి.

5. ఇప్పుడు ఇవి చల్లారిన తరువాత వాటిని మిక్సీలో వేసి రెండు టేబుల్ స్పూన్ల కొబ్బరి పొడి, 1/2 టీస్పూన్ జీలకర్ర వేసి బాగా గ్రైండ్ చేసుకోవాలి. కొన్ని నీళ్లు పోసుకొని మెత్తగా గ్రైండ్ చేసుకోవాలి.

6. పప్పు ఉడికిన తరువాత పప్పు గొట్టంతో పప్పును మెత్తగా రుబ్బుకోవాలి. అందులో క్యాబేజీని వేసి ఉడికించాలి. 5 నుంచి 8 నిమిశాల వరకు ఉడికబెట్టాలి. గ్రైండ్ చేసుకున్న పేస్టును కూడా ఇందులో వేసుకొని కొన్ని వేడినీళ్లను పోసుకొని కొన్ని నిమిశాలు ఉడికించాలి. చింతపండు రసాన్ని కూడా పోసుకోవాలి.

7. ప్యాన్‌ను వేడి 1 టేబుల్ స్పూన్ నెయ్యిని యాడ్ చేసుకోవాలి. 1/2 టీస్పూన్ ఆవాలు, 1 ఎండి మిరపకాయ, 10 కరివేపాకులను యాడ్ చేసుకోవాలి. చిటికెడంత ఇంగువను కూడా వేసుకోవాలి. ఈ పోప్‌ను ఉడుకుతున్న పప్పులో పోయాలి. ఇక దీంతో క్యాబేజ్ కూటు రెడీ అయినట్టే.

8. క్యాబేజ్ కూటును అన్నం లేదంటే పుల్కా, చపాతీతో కూడా తెనవచచు. ఇది చేయడం చాలా సింపుల్, కానీ కొంత సమయాన్ని కేటాయించాలి అంతే.