ఈసారి పండగకు చికెన్ ఇలా వండుకోండి.. మామూలు రుచి ఉండదు, జన్మలో ఈ టేస్ట్ మర్చిపోరు, ఎలా చేసుకోవాలంటే?

మనలో చాలా మందికి చికెన్ అంటే చాలా ఇష్టం ఉంటుంది. మాంసాహార ప్రియులు ఎవరైనా సరే చికెన్‌ను ఇష్టపడకుండా ఉండరు. చాలా మంది చికెన్‌తో రకరకాల వంటలు చేసుకొని తింటూ ఉంటారు. కొంతమంది చికెన్‌ను ఫ్రై చేసుకోవడం, మరికొంత మంది చికెన్‌ను వండుకోవడం వంటివి చేస్తారు. ఈ వండుకునే విధానంలో రకరకాల మసాలాలు, నూనె, నీళ్లు వేసుకొని వండుతారు. ఇలా వండడం వలన చికెన్ రుచికరంగా ఉండడమే కాకుండా.. కొవ్వు వంటి పదార్థాలు కూడా శరీరంలో భారీగా చేరిపోతాయి. అయితే మరికొన్ని ప్రదేశాల్లో చికెన్‌ను నూనె, నీళ్లు లేకుండా వండుతారు. ఇది సాధారణంగా వండుకునే చికెన్ కంటే అద్భుతమైన రుచితో ఉంటుంది. అలాగే ఆరోగ్యానికి కూడా చాలా మంచిది. అయితే ఈ స్టోరీలో నూనె, నీళ్లు లేకుండా చికెన్ కూర ఎలా వండుకోవాలి? దానికి కావాల్సిన పదార్థాలు ఏంటి అనేది తెలుసుకుందాం.

కావలసిన పదార్థాలు:

చికెన్ - అర కిలో
అల్లం వెల్లుల్లి పేస్టు - 2 స్పూన్లు
పసుపు - ½ స్పూను
కారం - 2 స్పూన్లు
ఉల్లిపాయలు - 2 (సన్నగా తరిగినవి)
టమోటోలు - 2 (తరిగినవి)
కొత్తిమీర తరుగు - 3 స్పూన్లు
ఉప్పు - రుచికి సరిపడా
చికెన్ మసాలా పౌడర్ - 1 స్పూను
కొబ్బరి ముక్కలు - గుప్పెడు
లవంగాలు - 3
యాలకులు - 3
దాల్చిన చెక్క - చిన్న ముక్క
అనాసపువ్వు - 2
గసగసాలు - ½ స్పూను
పుదీనా తరుగు - గుప్పెడు
పచ్చిమిర్చి - 3

తయారీ విధానం:

మొదట, మీరు వండాలని అనుకున్న గిన్నె తీసుకొని అందులో చికెన్ ముక్కలు వేసుకోండి.

అప్పుడు, అందులో సన్నగా తరిగిన ఉల్లిపాయ ముక్కలు మరియు టమాటో ముక్కలు వేసి, రుచికి సరిపడా ఉప్పు, పసుపు, కారం వేసి బాగా కలిపి, 30 నిమిషాలు పక్కన పెట్టండి.

ఈ సమయంలో, కొబ్బరి ముక్కలు, లవంగాలు, యాలకులు, అనాసపువ్వు, గసగసాలు, పచ్చిమిర్చి మిక్సీ జారుకొని, కొంచెం నీరు వేసి మెత్తగా రుబ్బండి.

ఈ కొబ్బరి పేస్టును కూడా చికెన్ ముక్కలలో వేసి బాగా కలిపి, చికెన్ మసాలా పౌడర్ కూడా వేసి కలపండి.

పుదీనా మరియు కొత్తిమీర తరుగును కూడా చికెన్ ముక్కల్లో వేసి, వాటిని చేతితో బాగా కలిపి స్టవ్ మీద పెట్టండి.

ఈ కర్రీని చిన్న మంట మీద ఉడికించండి. ఈ సమయంలో, మీరు నూనె లేదా నీరు జోడించాల్సిన అవసరం లేదు, ఎందుకంటే చికెన్ నుండి బయట పడే నీరు, కొబ్బరి పేస్టులోని నీరు, అల్లం వెల్లుల్లి పేస్టులో ఉన్న నీరు, పుదీనా మరియు కొత్తిమీరలో ఉన్న నీరు అన్నీ కలవడం వలన అద్భుతమైన గ్రేవీ ఏర్పడుతుంది.

మధ్య మధ్యలో ఒకసారి మిక్స్ చేసి, మూత పెట్టి ఉడికించండి.

చికెన్ పూర్తిగా ఉడికిన తర్వాత, స్టవ్ ఆఫ్ చేసేయండి.

అత్యంత రుచికరమైన, ఆరోగ్యకరమైన చికెన్ కర్రీ రెడీ!

ఈ చికెన్ కర్రీ చాలా రుచిగా ఉంటుంది, ఇంకా ఆరోగ్యానికి కూడా ఎంతో మంచిది. నూనె లేదా నీరు లేకుండా వండడం కష్టం అనిపించొచ్చు, కానీ ఈ పద్ధతిలో అన్ని బాగా ఉడికితే, రుచి అద్భుతంగా ఉంటుంది. కుక్కర్లో వండితే మరింత రుచికరంగా ఉంటుంది.