coconut sweet: పచ్చి కొబ్బరితో కోవా బర్ఫీ..అదిరిపోయే టేస్టీ స్వీట్ ఇలా చేసుకోండి

సాధారంగా మన ఇళ్లల్లో ఉండే పచ్చికొబ్బరితో అద్భుతమైన స్వీట్ ని చాలా సింపుల్ గా చేసుకోవచ్చు. అదే కోకోనట్ కోవా బర్ఫీ. ఎంతో టేస్టీగా ఉండే ఈ కొబ్బరి స్వీట్ ని ఏ వయసు వారైనా చాలా ఇష్టంగా తింటారు. ఒక్క ముక్క నోట్లో పెట్టుకుంటే వెన్నలా కరిగిపోయే అద్భుతమైన ఈ టేస్టీ స్వీట్ ని ఇంట్లోనే చాలా ఈజీగా చేసుకోవచ్చు. దీని తయారీకి కావాల్సిన పదార్థాలు,తయారీ విధానం ఎలాగో ఇక్కడ చూడండి.

కోకోనట్ కోవా బర్ఫీ తయారీకి కావల్సిన పదార్థాలు
-పచ్చి కొబ్బరి
-పాలు
-చక్కెర
-నెయ్యి

కోకోనట్ కోవా బర్ఫీ తయారీ విధానం
-ఒక గిన్నెలో ఒక లీటర్ పాలు పోసి బాగా వేడి చేసుకొని చల్లారిన తర్వాత ఫ్రిడ్జ్ లో ఒక రోజంతా పెట్టుకోవాలి.

-తర్వాత ఒక పాన్ లో మరో లీటర్ పాలు పోసి పక్కనపెట్టుకోండి.

-ఇప్పుడు మూడు పచ్చి కొబ్బరి ముక్కలు తీసుకోండి. దానిపైన ఉండే షెల్ తీసేసి చిన్న ముక్కలుగా కట్ చేసి వాటిని మిక్సీ గిన్నెలో వేసి బాగా గ్రైండ్ చేయండి.

-కొబ్బరి కొంచెం బరకగా అయిన తర్వాత ఆ మిక్సీ గిన్నెలోనే కొంచెం పాలు పోసి మరోసారి మెత్తగా గ్రైండ్ చేసుకోండి.

-ఇప్పుడు స్టవ్ ఆన్ చేసి పాలు పోసి ఉంచిన పాన్ పెట్టి అందులో ఈ కొబ్బరి మిశ్రమాన్ని వేసి బాగా కలుపుతూ ఉడికించండి.

-పాలు బాగా మరిగి సగం వరకు వచ్చిన తర్వాత మంటను లో ప్లేమ్ లో పెట్టి ఫ్రిడ్జ్ లో పెట్టి ఉంచిన పాలలోని మీగడను చిల్లు గరిటతో ఓ బౌల్ లోకి తీసుకోండి.

-ఈ మీగడను ఉడికిస్తున్న పాలలో వేసి కలపండి. ఇందులోనే 2 కప్పుల చక్కెర కూడా వేసి కలిపి మంటను మీడియం ప్లేమ్ లో పెట్టి మధ్ మధ్యలో కలుపుతూ ఉడికించాలి.

-పాల క్వాంటిటీ పూర్తిగా తగ్గిపోయే దాకా ఉడికించండి.

-తర్వాత మూత తీసి కలుపుతూ రెండు నిమిషాలు ఉడికించి స్టవ్ ఆఫ్ చేసి అదంతా ఓ ఫ్లేట్ లోకి తీసుకోండి.

-ఇప్పుడు ఓ ప్లేట్ తీసుకొని దాని మీద ప్లేన్ గా ఉండే పేపర్ పెట్టి దాని మీద కొంచెం నెయ్యి రాసి తయారుచేసిన స్వీట్ ని దాని మీద వేసి సమానంగా స్ప్రెడ్ చేసి అది పూర్తిగా చల్లారేవరకు పక్కన ఉంచండి.

-తర్వాత దానిని స్క్వేయర్ లేదా డైమండ్ షేప్ లో అయినా కట్ చేస్తే కోకోనట్ కోవా బర్ఫీ రెడీ. దీని మీద సన్నగా తరిగిన డ్రై ఫ్రూట్స్ వేసుకొని తింటే అద్భుతంగా ఉంటుంది.

-ఈ స్వీట్ ని బయటపెట్టుకుంటే నాలుగైదు రోజులు నిల్వ ఉంటుంది. ఫ్రిడ్జ్ లో పెట్టుకుంటే రెండు వారాల పాలు నిల్వ ఉంటుంది.