ఆలూ బజ్జీలు క్రిస్పీగా రావాలంటే ఇలా చేయాలి..!

సాయంత్ర ఆకలైలే, వానపడితే లేదా అలసిపోయి ఇంటికి వస్తే అప్పుడు ఆలూ బజ్జీ లాంటివి 10 నిమిశాల్లో చేసుకొని తింటే రుచికి రుచి మజాకు మజా వస్తుంది. ఎక్కడలేని ఆనందం మనకు కలుగుతుంది. ఆలూ బజ్జీలు ఎన్ని తిన్నా తనివితీరదు, కడుపు నిండదు. అలాంటి క్రీస్పీ ఆలూ బజ్జీలను ఎలా తయారు చేసుకోవాలో మీకు అందిస్తున్నాం.

ఆలూ బజ్జీ కోసం కావాల్సిన పదార్ధాలు

1 గుండ్రని మీడియం సైజు ఆలుగడ్డ
1 కప్పు శెనగపిండి
1 టేబుల్ స్పూన్ బియ్యం పిండి
1/2 టీ స్పూన్ కారంపొడి
1/4 టీ స్పూన్ పసుపు
1/2 టీస్పూన్ అల్లం పేస్టు
1 టేబుల్ స్పూన్ కొత్తిమీర
1/2 టీ స్పూన్ వాము
ఉప్పు, చిటికెడంత వంట సోడా
మంచి నూనె

ఆలూ బజ్జీ తయారు చేసుకునే విధానం

1. గుండ్రంగా వున్న ఆలూ బజ్జీని తీసుకోవాలి.
2. చక్రాల్లా ఆలుగడ్డను కట్ చేయాలి.
3. సన్నగా కట్ చేసిన ఆలూ చిప్స్‌ను నీళ్లల్లో వేసు కడగాలి.
4. బౌల్‌లో 1 కప్పు శెనగపిండిని తీసుకోవాలి. 1 టేబుల్ స్పూన్ బియ్యం పిండిని కూడా వేసుకోవాలి.
5. 1/2 టీస్పూన్ కారంపొడి, 1/4 టీస్పూన్ పసుపును, 1/2 టీ స్పూన్ అల్లం పేస్టును వేసకోవాలి.
6. సన్నగా తరిగిన 1 టేబుల్ స్పూన్ కొత్తిమీర ఆకులను వేసుకోవాలి.
7. 1/2 టీ స్పూన్ వామును వేసుకోవాలి.
8. రుచికి సరిపడ ఉప్పును, చిటికెడంత వంట సోడాను వేసుకోవాలి.
9. ఇప్పుడు దీనంతటినీ మొత్తం కలుపుకోవాలి.
10. తగినన్ని నీళ్లు పోసుకొని బజ్జీలు వేసుకునే విధంగా కలుపుకోవాలి.
11. ఇప్పుడు కడాయ్‌లో బజ్జీలను ఫ్రై చేయడానికి సరిపడ మంచినూనెను పోసుకోవాలి.
12. నూనె బాగా వేడియిన తరువాత ఒక్కో ఆలూ బజ్జీని పిండిలో ముంచి నూనె కాగుతున్న కడాయిలో వేసుకోవాలి.
13. బజ్జీలను జాగ్రత్తగా ఫ్రై చేసుకోవాలి, మాడిపోకుండా చూసుకోవాలి.
14. మిగిలిన అన్ని ఆలూ చిప్స్‌ను ఇలాగే ఫ్రై చేసుకోవాలి.
15. ఈ బజ్జీలను టిష్యూ పేపర్‌లోకి తీసుకొని నూనె మొత్తం పోయేంత వరకు వుంచి తరువాత ఈ బజ్జీలను సాస్ 16. వేసుకొని మసాలా వేసుకొనైనా తినొచ్చు.