కర్నాటక స్టైల్లో గిర్మిట్‌ను ఇలా చేసుకొని చాయ్‌తో తింటే..ఆహా..!!

మురుమురాలతో చేసే గిర్మిట్ కర్నాటకలో చాలా స్పెషల్ స్నాక్. టైంపాస్ గా తినడానికి ఇది చాలా బాగుంటుంది. దీన్ని తయారు చేసే విధానం కూడా చాలా సింపుల్‌గా ఫాస్ట్‌గా ఉంటుంది. ఉత్తర కర్నాటక ప్రాంతంలో దీనిని ఎక్కువగా తయారు చేస్తారు. ఇది తయారు చేయడానికి కూడా ఎక్కువ వంట పదార్ధాలు అవసరం లేదు. మరి ఈ గిర్మిట్‌ను ఎలా తయారు చేస్తారో తెలుసుకుందాం.

గిర్మిట్ తయారు చేయడానికి ఈ కింది పదార్ధాలు చాలా అవసరం :

మురమురలు - 3 కప్పులు
నూనె - 2 టేబుల్ స్పూన్లు
ఆవాలు - 1/2 టీస్పూన్
హింగు - చిటికెడు
పచ్చిమిర్చి - 2
ఉల్లిపాయ - 1
టమోటా - 1
పసుపు - చిటికెడు
కారం - 1/2 టీస్పూన్
పుట్నాల పొడి - 2 టేబుల్ స్పూన్లు
ఉప్పు - తగినంత
కొత్తిమీర - కొన్ని కత్తిరించినవి
నిమ్మరసం - 1 టేబుల్ స్పూన్

గిర్మిట్‌ను ఈ కింది విధంగా రెడీ చేసుకోవాలి :

1. ముందుగా మురమురలను ఒక పెద్ద గిన్నెలో ఉంచి పక్కన పెట్టుకోవాలి. ఒక పాన్‌లో నూనె వేడిచేసి, అందులో ఆవాలు, ఇంగువ, పచ్చిమిర్చి వేయించి, పసుపు కారం వేసి బాగా కలపాలి.తాలింపులో ఉల్లిపాయ ముక్కలు వేసి బంగారు రంగు వచ్చే వరకు వేయించాలి. తర్వాత టమోటా ముక్కలు వేసి కొంచెం ఫ్రై అయ్యేవరకూ వేపుకోవాలి.

2. ఇందులోనే పుట్నాల పొడిని రుచికి సరిపడ ఉప్పు వేసి బాగా కలుపుకోవాలి. పక్కకు తీసిపెట్టుకున్న ముర్‌మురాలను పోప్‌లో వేసుకొని బాగా కలుపుకోవాలి. మొత్తం మిశ్రమం బాాగా కలిసే విధంగా జాగ్రత్త పడాలి. నిమ్మరసాన్ని పిండుకొని, కొన్ని కొత్తిమీర ఆకులను వేసుకోవడం వల్ల మరించి రుచిగా అవుతుంది.

చిట్కాలు:

పుట్నాల పొడి ఎంత బాగా ఉంటే గిర్మిట్ అంత బాగా రుచిగా వస్తుంది. ఈ పుట్నాల పొడిని మీరే స్వంతంగా గ్రైండ్ చేసుకోవచ్చు, లేదంటే మార్కెట్లో మంచి బ్రాండ్‌కు చెందిన పుట్నాల పొడిని కొనుక్కోవాలి. గిర్మిట్‌ను చేసుకున్న తరువాత వేడి వేడిగా తినకుండా కొంచెం చల్లారిన తరువాత తినాలి. అలా తింటేనే గిర్మిట్ మరింత రుచిగా ఉంటుంది.

గిర్మిట్‌లో పల్లీలు, సేవ్‌ను కూడా యాడ్ చేసుకుంటే ఇంకా బాగుంటుంది. సాయంత్రం ఛాయ్ తాగే సమయంలో చాయ్‌తో పాటు గిర్మిట్‌ను తింటూ ఉంటే ఆ రుచి, ఆనందం మాటల్లో చెప్పలేనిది. ఇదే కర్నాటక స్పెషల్ స్నాక్ గిర్మిట్ స్పెషాలిటీ.