Liquor Tea: బెంగాలీ స్పెషల్ 'లిక్కర్ ఛాయ్'..పొద్దుపొద్దున్నే ఫుల్లు కిక్కు,ఎలా చేసుకోవాలంటే..

బెంగాళీ ప్రజలు పొద్దుపొద్దునే లిక్కర్ ఛాయ్ తాగుతుంటారు. కొంతమంది దీనిని బ్లాక్ టీ అని కూడా పిలుస్తారు. ఈ టీ ఆరోగ్యానికి కూడా చాలామేలు చేస్తుందని చెబుతారు. పొద్దున్నే అరకప్పు ఈ టీ తాగితే మత్తు వదిలిపోతుందని.. రీప్రెష్ అయిపోతారని బెంగాళీలు అంటుంటారు. వాతావరణం చల్లగా ఉన్నప్పుడు ఈ ఛాయ్ తాగుతుంటే ఆ మజా మాటల్లో వర్ణించలేని టేస్ట్ ఉంటుందంటారు. మరీ బెంగాళీలు అమితంగా ఇష్టపడే లిక్కర్ ఛాయ్ ని మీరు కూడా మీ ఇంట్లో ఎలా చేసుకోవాలో ఇక్కడ చూడండి.

లిక్కర్ టీ తయారీకి కావాల్సిన పదార్థాలు
-1 ఇంచు అల్లం
-పావు టీ స్పూన్ మిరియాలు
-3 టేబుల్ స్పూన్ల చక్కెర
-1 టీస్పూన్ టీ పౌడర్
-2 బిర్యానీ ఆకులు

లిక్కర్ టీ తయారీ విధానం

-లిక్కర్ టీ కోసం 300 గ్రాముల నీళ్లు బాగా మరిగించి అందులో పంచదార వేసి నీళ్లను తెర్లకాగనివ్వాలి.

-పంచదార కరిగి నీళ్లు తెర్లుతున్నప్పుడు అందులో బిర్యానీ ఆకులు, కచ్చాపచ్చాగా దంచిన అల్లం, కచ్చాపచ్చాగా దంచిన మిరియాలు వేసి హై ప్లేమ్ మీద పొంగనివ్వాలి.

-నీళ్లు రంగు మారిన తర్వాత అందులో టీ పౌడర్ వేసి హై ప్లేమ్ మీద ఒక నిమిషం మరిగించి స్టవ్ ఆఫ్ చేసేయండి.

-ఈ టీనిని వడకట్టుకొని గ్లాస్ లో పోసుకుంటే తాగడానికి టేస్టీ లిక్కర్ టీ రెడీ.