పాస్తాతో పాయసం.. లేట్ చేయకుండా ఇప్పుడే చేసుకోండి.. చాలా సింపుల్..!!

మ్యాకరోని పాస్తాతో మసాలా రెసిపీ కాకుండా స్వీట్ రెసిపీని చేసుకుందా. మాకరోని పాస్తాతో పాయసం చేసుకోవచ్చు. పాస్తాతో చేసిన పాయసం రుచి బహుశా మీరు చూసి ఉండరు. కానీ చాలా టేస్టీగా ఉంటుంది. మాకరోని పాస్తాను ఎలా తయారు చేసుకోవాలో మీకు వివరిస్తాం. ఇది చేసుకోవడానికి ప్రత్యేకంగా వంట పదార్థాలు అవసరం లేదు. ఇంట్లో వున్న వాటితోనే పాస్తా పాయసాన్ని రెడీ చేసుకోవచ్చు.

మ్యాకరోని పాస్తా పాయసం తయారు చేసుకోవడానికి ఈ కింది వంట సామాగ్రిని రెడీ పెట్టుకోవాలి :

మ్యాకరోని పాస్తా: 1 కప్పు
పాలు: 1 లీటర్
చక్కెర: 3/4 కప్పు
యాలకుల పొడి: 1/2 టీస్పూన్
నెయ్యి: 1 టేబుల్ స్పూన్
గోరువెచ్చని నీళ్ళలో నానబెట్టిన కిస్మిస్: 10-15
నానబెట్టిన బాదం, పిస్తా, కాజూ: 10-15
కుంకుమ పువ్వు: 1 చిటికెడు

మ్యాకరోని పాస్తా పాయసాన్ని ఈ కింది విధంగా తయారు చేసుకోవాలి :

1. ముందుగా, ఒక పెద్ద పాత్రలో నీరు మరిగించి అందులో ఒక చిటికెడు ఉప్పు, కొద్దిగా నూనె వేసి బాగా మరిగించాలి.
నీరు మరిగిన తరువాత, మ్యాకరోని పాస్తా వేసి 10 నిమిశాల వరకు అలాగే ఉడికించాలి.

2. పాస్తా పూర్తిగా ఉడికిన తరువాత దాన్ని వడగట్టి, చల్లటి నీళ్లతో కడిగాలి. వీటిని ఒక బౌల్‌లో తీసుకొని పక్కకు పెట్టుకోవాలి.

3. ఒక ప్యాన్‌లో 1 లీటరు పాలు పోసి బాగా మరిగించాలి. అరగంట వరకు పాలను మరిగించాలి, ఇందులో ఉడకబెట్టిన పాస్తాను వేసుకొని బాగా కలుపుకోవాలి. చకెరను కూడా వేసి బాగా కలపాలి. ఇందులో యాలాకులు పొడి, కుంకుమ పువ్వును కూడా వేసుకోవాలి.

4. ఒక చిన్న ప్యాన్ తీసుకొని అందులో నెయ్యి వేసి బాదం, పిస్తా, కాజూ, కిస్మిస్ వేసి ఫ్రై చేసుకోవాలి. ఈ డ్రై ఫ్రూట్స్‌ను పాస్తా పాయసంపై సర్వ్ చేసుకోవాలి. ఇక దీంతో మ్యాకరోని పాస్తా పాయసం రెడీ అయినట్టే.

చిట్కాలు:

పాస్తాను పూర్తిగా ఉడికించకండి, లేదంటే పాయసంలో గుజ్జుగా మారిపోతుంది. మీకు కావాల్సినంత చక్కెరను మాత్రమే యాడ్ చేసుకోవాలి. కుంకుమ పువ్వును ఖచ్ఛితంగా వేసుకోవాలని లేదు. పండుగల్లో, దేవుడికి ప్రసాదంగా కూడా ఈ మ్యాకరోని పాస్తాను చేసుకోవచ్చు.