Mango recipes : ఈ వేసవిలో టేస్టీ పుల్లటి మామిడికాయ పులిహోరను చేసుకుందాం..

పులిహోర. నిమ్మకాయ పులిహోర, చింతపండు పులిహోర ఇలా రెండు రకాల పులిహోరను మనం ఎక్కువగా చేసుకుంటూ ఉంటాం. అయితే ఈ వేసవిలో మామికికాయ పులిహోరను ఎలా తయారు చేసుకోవాలో తెలుసుకుందాం.

మామిడికాయ పులిహోర తయారు చేసే విధానం

రైస్

ముందుగా పులిహోరను వండుకోవడానికి రైస్ కుక్కర్‌లో ఒక కప్పు రైస్‌ను తీసుకొని, బాగా కడిగి ఒకటిన్నర కప్పు నీళ్లతో రైస్‌ను స్టవ్‌పై వండుకోవాలి. పులిహోర కోసం వండుతున్న రైస్ కాబట్టి అన్నం అతుక్కోకుండా ఉండడానికి ముందుగానే రెండు స్పూన్ల నూనెను వేసుకోవాలి. రెండు కుక్కర్ విజిల్స్ తరువాత రైస్‌ను కిందకు దించివేయాలి. కుక్కర్‌లోని రైస్‌లో రెండు టీ స్పూన్ల నూనె, సరిపడా ఉప్పు వేసి బాగా కలుపుకోవాలి.

మసాలా పొడి

ఒక ప్యాన్‌లో పావు టీస్పూన్ మెంతులను, 15 మిరియాలను, ఒక టీ స్పూన్ ధనియాల, ఒక టీ స్పూన్ నువ్వులను, ఒక టీ స్పూన్ జిలకర తీసుకొని ప్యాన్‌లో బాగా వేపుకోవాలి. మీడియం ఫ్లేంపైనే వీటిని వేపి తరువాత ఒక రోల్‌లో తీసుకొని పొడి అయ్యేవరకు దంచుకోవాలి.

మామిడికాయ

ఒక మామిడికాయను తీసుకొని పొట్టును తీసి సన్నగా తురుముకోవాలి. ఇప్పుడు కుక్కర్‌లో చల్లబడిన రైస్‌లో ఈ మామిడి తురుమును వేసుకొని బాగా కలుపుకోవాలి. మామిడికాయ ఎంత పుల్లగా ఉండే మామిడికాయ పులిహోర అంత రుచిగా వస్తుంది. కాబట్టి ముందుగానే మంచి మామిడికాయను చూసి ఎంచుకోవాలి.

పోప్

ఇప్పుడు రైస్‌ను ఫ్రై చేయడానికి ఒక ప్యాన్‌లో మూడు టేబుల్ స్పూన్ల మంచి నూనెను వేసుకొని సరిపడా పల్లీలను వేసుకొని వేపుకోవాలి. అందులోనే ఒక టీ స్పూన్ పచ్చి చెనగపప్పును, ఒక స్పూన్ ఆవాలు, ఒక స్పూన్ మినపప్పును వేసుకొని బాగా ఫ్రైచేయాలి. పోషకాలు, రుచి కోసం రెండు స్పూన్ల జీడిపప్పులను యాడ్ చేసుకోవాలి. రుచి, ఘాటు కారం కోసం 4 ఎండుమిర్చీలను వేసి ఫ్రై చేసుకోవాలి. కావలసినన్న పచ్చిమిరపకాయలు, కరివేపాకు, చిటికెడు పసుపు కూడా వేసుకొని బాగా కలుపుకోవాలి. మామికికాయ పులిహోరకు కావలసిన పోప్ రెడీ అయింది.

మామిడికాయ పులిహోర రెడీ

రెడీ అయిన ఈ పోప్‌ను కుక్కర్‌లో ఉన్న రైస్‌లో వేసి బాగా కలుపుకోవాలి. రుచి కోసం అవసరమైతే కొంచెం ఉప్పును యాడ్ చేసుకోవచ్చు. దీంతో రుచికరమైన మామిడికాయ పులిహోర రెడీ.