బల్లగుద్ది చెప్తున్నా.. ఇలాంటి టీ మీరు జన్మలో తాగి ఉండరు,ప్రయోజనాలు మాత్రం అదుర్స్, ఎలా చేసుకోవాలంటే?

మీరు ఇప్పటి వరకు చాలా రకాల టీలు తాగి ఉంటారు. సాధారణ టీ, అల్లం టీ, గ్రీన్ టీ, బెల్లం టీ.. ఇలా ఎన్నో రకాల టీలను రుచి చేసి ఉంటారు. కానీ మీరెప్పుడైనా రోజ్ టీ తాగారా?. మీలో చాలా మంది చెప్పే సమాధానం నో. అయితే ఈ టీ తాగడం వలన అనేక ఆరోగ్య ప్రయోజనాలు ఉంటాయి. బ్యూటీ ప్రొడక్ట్స్‌తో వాడే రోజ్‌తో టీ చేసుకొని తాగడం వలన ఆరోగ్యానికి, అందానికి కూడా చాలా మేలు జరుగుతుంది. ఇంతకీ ఈ రోజ్ టీ ఎలా చేసుకోవాలి? దానికి కావాల్సిన పదార్థాలు ఏంటి అనే దానితో పాటు.. ఈ టీ వల్ల కలిగే ప్రయోజనాలు ఏంటి అనేది కూడా తెలుసుకుందాం.

కావాల్సిన పదార్థాలు:

తాజా గులాబీ రేకులు: 1 కప్పు
నీరు: 2 కప్పులు
తేనె లేదా చక్కెర: రుచికి సరిపడా
నిమ్మరసం: కొన్ని చుక్కలు
టీ ఆకులు

తయారీ విధానం:

ఈ రోజ్ టీ తయారు చేసుకోవడానికి ముందుగా గులాబీ రేకులను శుభ్రం చేసుకోవాలి. ఇలా చేసుకోవడం వల్ల అందులో ఏమైనా పురుగులు లేదా రసాయనాలు ఉంటే అవి క్లియర్ అయిపోతాయి. ఆ తరువాత ఆ గులాబీ రేకులను ఓ గిన్నెలో తీసుకొని బాగా నీరు పోసుకొని మారగించుకోవాలి. ఒకవేళ మీకు టీ ఆకులు కావాలనుకుంటే.. గులాబీ రేకులతో పాటు టీ ఆకులు కూడా వేసుకొని మరించుకోవచ్చు.

అలా మరిగిన తరువాత.. ఆ నీటిని వడగట్టి ఓ గ్లాసులో తీసుకోవాలి. అందులో రుచికి సరిపడా చెక్కెర(కావాలనుకున్న వాళ్ళు తేనె కూడా యాడ్ చేసుకోవచ్చు), కొద్దిగా నిమ్మరసం వేసుకొని బాగా కలుపుకోవాలి. ఆ తరువాత ఆ టీని ఆస్వాదించడమే. రుచి మాత్రం అద్భుతంగా ఉంటుంది.

రోజ్ టీ వల్ల కలిగే ప్రయోజనాలు:

రోజ్ టీలో యాంటీఆక్సిడెంట్లు పుష్కలంగా ఉంటాయి, ఇవి శరీరంలోని ఫ్రీ రాడికల్స్ నుండి రక్షిస్తాయి. అలాగే రోజ్ టీ చర్మాన్ని తేమగా ఉంచడానికి, మంటను తగ్గించడానికి సహాయపడుతుంది. దీంతో పాటు ఇది ఇది జీర్ణక్రియను మెరుగుపరుస్తుంది. మలబద్ధకాన్ని తగ్గిస్తుంది. అలాగే ఒత్తిడిని తగ్గించి, మంచి నిద్ర పట్టే విధంగా సహాయపడుతుంది. రోజ్ టీ రోగ నిరోధక శక్తిని పెంపొందిస్తుంది, అలాగే మానసిక ఆరోగ్య స్థితిని మెరుగుపరుస్తుంది.