బర్డ్ ఫ్లూ రాకుండా.. ఈ పద్దతిలో చికెన్ పచ్చడి చేసుకుంటే నెలరోజులు తినొచ్చు టేస్ట్ అద్భుతంగా ఉంటుంది

బర్డ్ ఫ్లూ భయంతో చాలా మంది చికెన్ తినడమే మానేశారు. అందరూ కొంచెం డబ్బులు ఎక్కువైనా మటన్, ఫిష్ తినడానికి ఇష్టపడుతున్నారు. అయితే అలాంటి వారు చికెన్‌ను బాగా ఫ్రై చేసుకొని పచ్చడి పెట్టుకొని తినొచ్చు. ఇది చాలా రుచికరంగా ఉంటుంది. అలాగే ఎక్కువ రోజులు నిల్వ ఉంటుంది కూడా. దీనిని చేసుకోవడం చాలా సులభం. ఇంట్లోని పదార్థాలతో చేసుకోవచ్చు. దీనిని చేసుకోవడానికి ఎలాంటి పదార్థాలు కావాలి? ఏ విధంగా దీనిని చేసుకోవాలి అనేది ఈ స్టోరీలో తెలుసుకుందాం.

చికెన్ పచ్చడి తయారీకి కావాల్సిన పదార్థాలు

బోన్ లెస్ చికెన్ - 1/2 కిలో
నూనె - 150ml/1 కప్పు
ఉప్పు - 1/4 కప్పు
కారం - 1/4 కప్పు
పసుపు - 1/4 టీస్పూన్
దాల్చిన చెక్క - 1 అంగుళం
యాలకులు - 2
లవంగాలు - 5 నుండి 6
ధనియాలు - 2 టేబుల్ స్పూన్లు
ఆవాలు - 1 టేబుల్ స్పూన్
జీలకర్ర - 1/2 టేబుల్ స్పూన్
మెంతులు - 1/4 టేబుల్ స్పూన్
అల్లం వెల్లుల్లి పేస్ట్ - 1 టేబుల్ స్పూన్
నిమ్మకాయలు - 2 (మధ్యస్థంగా)

తయారుచేసే విధానం:

ముందుగా చికెన్ ను శుభ్రంగా కడిగి చిన్న ముక్కలుగా కోయాలి.
తర్వాత ఒక పాన్ లో నూనె వేసి, వేడి అయ్యాక చికెన్ ముక్కలను బంగారు రంగు వచ్చే వరకు వేయించాలి.
వేయించిన చికెన్ ముక్కలను పక్కన పెట్టుకోవాలి.
ఇప్పుడు అదే పాన్ లో దాల్చిన చెక్క, యాలకులు, లవంగాలు, ధనియాలు, ఆవాలు, జీలకర్ర, మెంతులు వేసి వేయించాలి.
తర్వాత అల్లం వెల్లుల్లి పేస్ట్ వేసి పచ్చి వాసన పోయే వరకు వేయించాలి.
ఇప్పుడు ఉప్పు, కారం, పసుపు వేసి బాగా కలపాలి.
వేయించిన చికెన్ ముక్కలు వేసి బాగా కలపాలి.
చివరగా నిమ్మరసం వేసి బాగా కలిపి, స్టవ్ ఆఫ్ చేయాలి.
చికెన్ పచ్చడిని చల్లారనిచ్చి, గాలి చొరబడని డబ్బాలో నిల్వ చేసుకోవాలి.