వందల రోగాల్ని నయం చేసే నల్లేరు కారం పొడి..ఎలా చేసుకోవాలో చూడండి

మన పూర్వీకులు మనకు అందించిన అమూల్యమైన ఆరోగ్య సంపదలలో నల్లేరు ఒకటి. దీనిని సంస్కృతంలో అస్థిసంహారక అంటారు. పేరుకు తగ్గట్టుగానే ఇది విరిగిన ఎముకలను సైతం అతికించగల శక్తివంతమైన ఔషధ గుణాలను కలిగి ఉంది. పల్లెటూర్లలో ఎక్కువగా దొరికే నల్లేరు సిటీల్లో దొరకడం కొంచెం కష్టమే. అయితే సిటీల్లో కూడా ఇంట్లోనే కుండీల్లోనే నల్లేరును పెంచుకోవచ్చు. నల్లేరును నేరుగా కూరగా వండుకోవడం కొంచెం కష్టం, దాని రుచి అందరికీ నచ్చకపోవచ్చు. కానీ దీనిని కారం పొడిగా చేసుకుని రోజూ ఆహారంలో భాగంగా తీసుకుంటే రుచితో పాటు చాలా ప్రయోజనాలు పొందవచ్చు.

రోజూ అన్నం తినేటప్పుడు మొదటిముద్ద ఈ కారం పొడితే తింటే ఆరోగ్యానికి చాలా మేలు జరుగుతుంది. ఎముకలు ధృడంగా ఉండటానికి, ఎముకలు కీళ్ల నొప్పులు తగ్గడానికి,ఎప్పుడైనా ప్రమాదం జరిగి ఎముకలు విరిగినా అవి త్వరగా తిరిగి అతుక్కోడానికి చాలా బాగా పనిచేసే నల్లేరుతో ప్రతిరోజూ తినడానికి అనుకూలంగా ఉండేలా కారప్పొడి ఎలా చేయాలో ఇక్కడ చూడండి.

తయారీకి కావాల్సిన పదార్థాలు
-నల్లేరు కాడలు
-నువ్వులు
-మినపప్పు
-పచ్చి శెనగపప్పు
-ఎండుమిరపకాయలు
-ధనియాలు
-మెంతులు
-కరివేపాకు
-చింతపండు
-ఆయిల్
-వెల్లుల్లి రెబ్బలు

తయారీ విధానం

-ముందుగా కొన్ని లేత నల్లేరు కాడలను చిన్న ముక్కలుగా చేసి కడిగి పక్కన పెట్టుకోవాలి. నల్లేరు ముక్కలు బౌల్ కి సరిపడినన్ని ఉండాలి.

-నల్లేరు కాడలకు ఉండే ఆకులను కూడా కడిగి పెట్టుకోవాలి.

-తర్వాత స్టవ్ మీద పాన్ పెట్టి అందులో 2 టేబుల్ స్పూన్ల ఆయిల్ వేసి కాగిన తర్వాత ఇందులోనే పావు కప్పు మినపప్పు, పావు కప్పు పచ్చి శెనగపప్పు, చిటికెడు మెంతులు వేసి తక్కువ మంట మీద కలుపుతూ వేయించాలి.

-సగం వరకు వేగిన తర్వాత తినే కారానికి తగినట్లు 15-20 ఎండు మిరపకాయలు, 1 స్పూన్ జీలకర్ర, పావు కప్పు నువ్వులు, పావు కప్పు ధనియాలు వేసి ఇవన్నీ 90 శాతం వేగాక ఇందులోనే గుప్పెడు కరివేపాకు వేసి ఇది కూడా క్రిస్పీగా వేగాక ఇందులోనే కొద్దగా చింతపండు వేసి 1 నిమిషం పాటు వేయించి స్టవ్ ఆపేసి చల్లారనివ్వాలి.

-తర్వాత స్టవ్ మీద పాన్ పెట్టి అందులో తడి లేకుండా ఆరబెట్టుకున్న నల్లేరు కాడల ముక్కలు, ఆకులు వేసి ముక్కల్లోని నీరు అంతా పోయి డ్రై అయ్యేదాకా వేయించుకొని స్ట్ ఆపి చల్లారనివ్వాలి.

-ఇప్పుడు ముందుగా వేయించి చల్లారిన పోపులన్నీ మిక్సీ గిన్నెలో వేసి మెత్తగా పొడిలా గ్రైండ్ చేసి పక్కన పెట్టుకోండి.

-తర్వాత మిక్సీ గిన్నెలో పూర్తిగా చల్లారిన నల్లేరు కాడల ముక్కలు అన్నీ వేసి, 5-6 వెల్లుల్లి రెబ్బలు కూడా వేసి మెత్తగా గ్రైండ్ చేయాలి.

-గ్రైండ్ చేసుకున్న రెండు మిశ్రమాలను ఓ ప్లేట్ లో వేసి చేత్తో బాగా కలిసేలా కలుపుకోవాలి. కాసేపు మూతపెట్టకుండా అలా వదిలేయండి. దీంతో గాలి తగిలి పొడి పొడిగా మారుతుంది.

-గాలి చొరబడని డబ్బాలో ఈ కారం వేసుకుంటే నెల రోజుల వరకు పాడవకుండా ప్రెష్ గా ఉంటుంది.