Raju gari kodi pulao: రాజు గారి 'కోడి పులావ్'..ఇలా చేసుకుంటే వాసనకే కడుపు నిండిపోతుంది

రాజు గారి కోడి పులావ్ అంటే తెలియని తెలుగువారుండరు. సిటీల్లో ఉండే చాలామంది వీకెండ్ వస్తే మధ్యాహ్నాం,సాయంత్రం రెండుపూట్ల రెస్టారెంట్లకి వెళ్లి రాజు గారి కోడి పులావ్ ఆర్డర్ చేసుకొని తింటుంటారు. అసలు దీని వాసనకే కడుపు నిండిపోతుంటది. రెస్టారెంట్ స్టైల్ రాజుగారి కోడి పులావ్ ని ఇంట్లోనే ఈజీగా తయారుచేసుకోవచ్చు. వాసనతో ఇల్లంతా ఘుయాయించే రాజుగారి కోడి పులావ్ తయారీకి కావాల్సిన పదార్థాలు,తయారీ విధానం ఇక్కడ చూడండి.

రాజు గారి కోడి పులావ్ తయారీకి కావాల్సిన పదార్థాలు
-1 కేజీ చికెన్
-2 గ్లాస్ ల నానబెట్టిన బియ్యం
-జీడిపప్పు
-పచ్చిమిర్చి పేస్ట్
-అల్లం వెల్లుల్లి పేస్ట్
-దాల్చిన చెక్క
-యాలకలు
-లవంగ మొగ్గలు
-బిర్యానీ ఆకులు
-జాపత్రి
-ధనియాల పొడి
-జీలకర్ర పొడి
-పసుపు
-ఉల్లిపాయ
-ఆయిల్
-నెయ్యి
-కారం
-ఉప్పు
-గరం మసాలా
-కొత్తిమీర
-పుదీనా
-అనాస
-నూనె

రాజు గారి కోడి పులావ్ తయారీ విధానం

-ముందుగా 2 గ్లాసుల బియ్యం నానబెట్టుకోండి.

-తర్వాత స్టవ్ మీద ఒక పెద్ద గిన్నె పెట్టి అందులో 2 టేబుల్ స్పూన్ల నెయ్యి,6 టేబుల్ స్పూన్ల ఆయిల్ వేసి అది కొంచెం వేడెక్కిన తర్వాత అందులో అరకప్పు(40 గ్రాములు)జీడిపప్పు,2 ఇంచుల దాల్చిన చెక్క, స్టార్ అనాస ఒకటిన్నర, 4 యాలకులు,8 లవంగ మొగ్గలు,2 బిర్యానీ ఆకులు,1 జాపత్రి వేసి వేయించుకోవాలి.

-తర్వాత అందులో సన్నగా కట్ చేసిన అరకేజీ ఉల్లిపాయలు వేసి ఎర్రగా వేగిన తర్వాత అందులో 2 టేబుల్ స్పూన్ల అల్లం వెల్లుల్లి పేస్ట్, 1 స్పూన్ పచ్చిమిర్చి పేస్ట్,కొద్దిగా పసుపు వేసి కలుపుకోండి.

-1 నిమిషం తర్వాత అందులో శుభ్రం చేసిన 1 కేజీ చికెన్ ను వేసి బాగా కలపి మూతపెట్టేసి మంటను మీడియం ప్లేమ్ లో ఉంచండి.

-3 నిమిషాల తర్వాత మూత తీసి ఇంకోసారి బాగా కలపి తర్వాత అందులో 2 టీ స్పూన్ల ధనియాల పొడి,1 టీస్పూన్ జీలకర్ర పొడి,1 టేబుల్ స్పూన్ గరం మసాలా, 2 టేబుల్ స్పూన్ల కారంపొడి, రుచికి సరిపడా ఉప్పు వేసి మొత్తం కలిసేలా బాగా కలిపి మూత పెట్టి మీడియం ప్లేమ్ మీద 2 నిమిషాలు ఉడికించండి.

-తర్వాత మూత తీసి అందులో ఒక కప్పు కొత్తిమీర,అరకప్పు పుదీనా వేసి కలపండి. తర్వాత అందులోనే 200 గ్రాముల పెరుగు కూడా వేసి కలిపి మూతపెట్టి మంటను లో ప్లేమ్ మీద పెట్టి 10 నిమిషాలు ఉడికించాలి.

-తర్వాత మూత తీసి 80శాతం వరకు చికెన్ ఉడికిందో లేదో చెక్ చేయండి. 80శాతం ఉడికిన చికెన్ లో 5 గ్లాసుల నీళ్లు పోసి మూత పెట్టి 15 నిమిషాలు మీడియం ప్లేమ్ మీద ఉడికించాలి.

-తర్వాత గంటతో ఆయిల్ కలిసేలా కలిపి అందులోనే 2 గ్లాసుల నానబెట్టిన బియ్యం పోసి కలిపి మూతపెట్టేయండి.

-5 నిమిషాల తర్వాత మూత తీసి ఒక్కసారి కలిపి తర్వాత 2 టేబుల్ స్పూన్ల నెయ్యి అందులో వేసి మూతపెట్టేసి మంటను లో ప్లేమ్ మీద పెట్టి 15 నిమిషాలు ఉడికిస్తే వేడి వేడి రాజుగారి పులావ్ రెడీ.