రంజాన్ స్పెషల్..దహీ చనా ఇలా చేసుకుంటే శరీరానికి కొత్త శక్తి,పూర్వీకుల్లా బలంగా ఉండొచ్చు

ఈ ఏడాది మార్చి 2 నుంచే రంజాన్ ఉపవాస దీక్షలు ప్రారంభమయ్యాయి. పవిత్ర రంజాన్ మాసంలో ముస్లింలు నెల రోజుల పాటు ఉపవాసం ఆచరించి నియమ నిబంధనలు పాటించి అల్లాని ప్రార్థిస్తారు. ఇస్లాం మతం ఆచారాల ప్రకారం ఉపవాస దీక్షను విరమించడానికి, ఉపవాస దీక్ష ప్రారంభించే ముందు సెహ్రీ, ఇఫ్తార్ నిర్వహిస్తారు. ఇఫ్తార్ విందులో భాగంగా రంజాన్ స్పెషల్ దహీ చనా తింటే అద్భుతమైన రుచిగా ఉండటంతో పాటు ఆరోగ్యానికి చాలా మేలు చేస్తుంది. శెనగలతో తయారుచేసే దహీ చనాలో ఫైబర్ ఎక్కువగా ఉండటం వలన ఇది ఎక్కువ సమయం పాటు కడుపు నిండుగా ఉంచుతుంది.ఇది శరీరానికి కావలసిన శక్తిని అందిస్తుంది.

దహీ చనాలో వాడే కొత్తిమీర, పుదీనా వంటి ఆకుకూరలు శరీరానికి విటమిన్లు, ఖనిజాలను అందిస్తాయి. ఈ వంటకంలో వాడే మసాలా దినుసులు జీర్ణక్రియను మెరుగుపరుస్తాయి. రోగనిరోధక శక్తిని పెంచడానికి సహాయపడతాయి. రంజాన్ సమయంలో దహీ చనా లాంటి పోషకమైన ఆహారాలు తీసుకోవడం వలన శరీరం శక్తివంతంగా ఉంటుంది. దహీ చనా ఇంట్లో తయారుచేసుకోడానికి కావలసిన పదార్థాలు, తయారీ విధానం ఇక్కడ చూడండి.

దహీ చనా తయారీకి కావలసిన పదార్థాలు

తెల్ల శెనగలు - 1 కప్పు
పెరుగు - 2 కప్పులు
చాట్ మసాలా - 1 టీస్పూన్
జీలకర్ర పొడి - 1/2 టీస్పూన్
నల్ల ఉప్పు - 1/4 టీస్పూన్
కారం - 1/2 టీస్పూన్
ఉల్లిపాయలు - 1
టమోటాలు - 2
పచ్చిమిర్చి - 2
కొత్తిమీర - కొద్దిగా
పుదీనా - కొద్దిగా
ఉప్పు - సరిపడా
ఆయిత్- 2 టేబుల్ స్పూన్లు
చింతపండు రసం - 2 టేబుల్ స్పూన్లు
బూందీ - కొద్దిగా

పచ్చికారం ఎగ్ కర్రీ ఎప్పుడైనా తిన్నారా? జిందగీలో ఇలాంటి టేస్ట్ చూసి ఉండరు,ఎలా చేయాలంటే

దహీ చనా తయారీ విధానం

-ముందుగా తెల్లశెనగలను రాత్రంతా నానబెట్టాలి.

-తర్వాత నానబెట్టిన శెనగలను కుక్కర్‌ లో వేసి మెత్తగా ఉడికించుకోవాలి.

-ఇప్పుడు ఒక పాన్ లో ఆయిల్ వేడి చేసి, సన్నగా తరిగిన ఉల్లిపాయలు వేసి బంగారు రంగు వచ్చేవరకు వేయించాలి.

-తర్వాత సన్నగా తరిగిన టమోటాలు, సన్నగా తరిగిన పచ్చిమిర్చి వేసి టమోటాలు మెత్తబడే వరకు వేయించాలి.

-వేయించిన ఉల్లిపాయలు, టమోటాల మిశ్రమాన్ని ఉడికించిన శెనగల్లో వేసి కలపాలి.

-ఇప్పుడు పెరుగులో చాట్ మసాలా, జీలకర్ర పొడి, నల్ల ఉప్పు, కారం, ఉప్పు వేసి బాగా కలిపి దీనిని శెనగల మిశ్రమంలో వేసి బాగా కలపాలి.

-చివరగా కొత్తిమీర, పుదీనా, చింతపండు రసం వేసి కలపాలి. అంతే దహీ చనా రెడీ.

-దహీ చనాను ఒక గిన్నెలోకి తీసుకుని బూందీతో గార్నిష్ చేసి చల్లగా తింటే అద్భుతంగా ఉంటుంది.