Sankranti recipe 2025: సంక్రాంతి స్పెషల్ కలగూర పులుసు..వేళ్లు జుర్రుకొని తినేంత రుచి,ఇదిగో రెసిపి

తెలుగు రాష్ట్రాల్లో చాలా ప్రాంతాల్లో చేసుకునే వంటకం కలగూర. సంక్రాంతి పండుగ సమయంలో దీన్ని ఎక్కువగా తయారు చేస్తారు. కలగూర అంటే వివిధ రకాల కూరగాయలు కలిపి చేసే ఒక వంటకం. కలగూర పులుసు, కలగూర కూర అని రెండు రకాలుగా చేస్తారు. కలగూర కూర అనేది పులుసు లేకుండా చేసే ఒక డ్రై కర్రీ. కలగూర రెండు రకాలుగా చేసినా ఆరోగ్యానికి చాలా మంచిది. ఇందులో అనేక రకాల విటమిన్లు, ఖనిజాలు ఉంటాయి. కలగూర పులుసుని ఎలా చేసుకోవాలో ఇక్కడ చూడండి.

కలగూర పులుసు తయారీకి కావలసిన పదార్థాలు
-వివిధ రకాల కూరగాయలు (బెండకాయ, ములక్కాడ, వంకాయ, క్యారెట్, బంగాళాదుంప, గుమ్మడికాయ, టమాటా)
-చింతపండు
-నూనె
-ఆవాలు
-జీలకర్ర
-మెంతులు
-కరివేపాకు
-పచ్చిమిర్చి
-ఉల్లిపాయ
-ఉప్పు
-కారం
-పసుపు
-ధనియాల పొడి
- బెల్లం

-చింతపండును నీటిలో నానబెట్టి పులుసు తీసుకోవాలి.

- తర్వాత ఆయిల్ వేడి చేసి ఆవాలు, జీలకర్ర, మెంతులు, కరివేపాకు, పచ్చిమిర్చి వేసి వేయించాలి.

-అందులోనే ఉల్లిపాయ ముక్కలు వేసి బంగారు రంగు వచ్చేవరకు వేయించాలి.

-తర్వాత కూరగాయ ముక్కలు, ఉప్పు, పసుపు వేసి కొద్దిసేపు వేయించాలి.

-తర్వాత అందులో చింతపండు పులుసు, కారం, ధనియాల పొడి వేసి బాగా కలపాలి. మూత పెట్టి కూరగాయలు మెత్తబడే వరకు ఉడికించాలి.

-చివరగా కొద్దిగా బెల్లం వేసి కలిపి దింపేయాలి. అంతే కలగూర పలుసు రెడీ.