చుక్క నూనె లేకుండానే బెస్ట్ స్నాక్..ఒక్కటితో ఆగరు,అంత రుచిగా ఉంటుంది!

ఆరోగ్యం పట్ల ఈ మధ్యకాలంలో అందరిలో ఎక్కువ శ్రద్ధ పెరిగిన క్రమంలో ఆయిల్ తో చేసిన ఫుడ్, స్నాక్స్ తినేందుకు ఎవ్వరూ పెద్దగా ఇష్టపడటం లేదు. ఆయిల్ వాడకం తగ్గించడం లేదా మానేయడం ద్వారా గుండె జబ్బులు, బరువు పెరగడం వంటి అనేక సమస్యలను దూరం చేసుకోవచ్చు. అయితే నూనె లేకుండా చేస్తే రుచి ఉండదు అనే అపోహ చాలామందిలో ఉంటది.

అయితే చుక్క నూనె లేకుండా చేసే అద్భుతమైన స్నాక్స్ లో అటుకులు బంగాళదుంప కట్ లెట్ ఒకటి. దీనిని ఈజీగా చేసుకోవచ్చు. దీని రుచి అద్భుతంగా ఉంటుది. డైట్ చేసేవాళ్లకు, బరువు తగ్గాలనుకునేవాళ్లకు ఇది బెస్ట్. అటుకులు బంగాళదుంప కట్ లెట్ మీ ఇంట్లో ఈజీగా ఎలా తయారుచేసుకోవాలో ఇక్కడ చూడండి.

తయారీకి కావాల్సిన పదార్థాలు

-అటుకులు
-బంగాళదుంప
-పెరుగు
-ఉల్లిపాయ తరుగు
-అల్లం వెల్లుల్లి పేస్ట్
-కారం
-ధనియాల పొడి
-జీలకర్ర పొడి
-పసుపు
-పచ్చిమిరపకాయ
-కొత్తిమీర
-ఉప్పు

తయారీ విధానం

-తర్వాత ఒక పెద్ద గిన్నె తీసుకోండి. అందులో నానబెట్టిన అటుకులు వేయండి, ఇందులోనే 1 కప్పు ఉడికించి తురుముకున్న బంగాళదుంప మిశ్రమం, 1 టేబుల్ స్పూన్ పెరుగు, పావు కప్పు ఉల్లిపాయ తరుగు, 1 టేబుల్ స్పూన్ అల్లం వెల్లుల్లి పేస్ట్, 1 టేబుల్ స్పూ న్ కారం, ఒకటిన్నర టేబుల్ స్పూన్ ధనియాల పొడి, 1 టీస్పూన్ జీలకర్ర పొడి, పావు టీస్పూన్ పసుపు, 1 పచ్చిమిర్చి తరుగు, 2 టేబుల్ స్పూన్ల కొత్తిమీర తరుగు, రుచికి సరిపడా ఉప్పు వేసి మొత్తాన్ని బాగా కలుపుకోవాలి.

-తర్వాత కొంచెం కొంచెం కలిపిన మిశ్రమాన్ని చేతుల్లోకి తీసుకొని కట్ లెట్ లా ఒత్తుకోవాలి.

-తర్వాత స్టవ్ మీద పాన్ పెట్టి ఆయిల్ వేయకుండానే అందులో ఒత్తుకున్న టిక్కీలను పెట్టుకోండి. మూతపెట్టి తక్కువ మంట మీద వాటిని ఉడకనివ్వండి. కొద్దిసేపటి తర్వాత మూత తీసి రెండోవైపుకు వాటిని తిప్పడి ఉడకనివ్వాలి.

-ఉడికి, కొంచెం కలర్ మారిన తర్వాత వాటిని ప్లేట్ లోకి తీసుకోండి.

-అంతే పొటాటో కట్ లెట్ రెడీ.