మహిళా దినోత్సవ మన్ననలందించండి!

By B N Sharma

Published: Tuesday, March 6, 2012, 15:37 [IST]

ప్రేమికుల రోజు, మహిళా దినోత్సవ రోజు వంటివి మీ భార్యలను ఖరీదైన బహుమతులు లేదా ఆనందకరమైన విశ్రాంతి సెలవుల వంటివి వారు ఆశ్చర్యపోయే రీతిలో ఇవ్వటానికే ఏర్పాటయ్యాయి. 2012 మహిళా దినోత్సవం సందర్భంగా మీ భార్యను వాస్తవంగా ప్రేమిస్తున్నవారైతే ఆమెకు ప్రత్యేకత చూపండి. వివాహ సమయంలో ఒకరితో ఒకరు ఎప్పటికి కలసి వుంటామని వాగ్దానాలు చేసుకుంటాం. కాని ఒత్తిడి జీవితాలలో అవి మరుగునపడతాయి. భార్య లేని జీవితాన్ని మీరు ఊహించగలరా? దీనికి సమాధానం ఊహించలేను...అయితే మీరు చేయాల్సిందల్లా...ఆమెకు శారీరకంగా, ఆర్ధికంగా, భావోద్రేకంగా రక్షణ కల్పించండి. మరి అలా చేయాలంటే రాబోయే మహిళా దినోత్సవం అంటే 8 మార్చి 2012 నాడు ఈ చర్యలు చేపట్టండి.

1. ఆమెను వైద్య పరీక్షలకు తీసుకు వెళ్ళండి. మహిళలు సాధారణంగా తమ ఆరోగ్యాన్ని లక్ష్య పెట్టరు. ఒక ప్రేమించే భర్తగా మీరు ఈ రోజు ఆమెను ఆస్పత్రికి తీసుకు వెళ్ళి పూర్తి వైద్య పరీక్షలు చేయించండి.
చాలా ఆస్పత్రులు మహిళా దినోత్సవ ప్రత్యేక ప్యాకేజీలు అందిస్తున్నాయి.
2. మీ భార్య 40 సంవత్సరాల వయసు పైబడినదా? అలాగయితే, ఆమె మెనోపాజ్ సమస్యలను కూడా ఎదుర్కొంటుంది. పాప్ స్మియర్ టెస్ట్, మామోగ్రఫీ వంటి పరీక్షలు మార్చి 8వ తేదీనాడు చేయించండి.
3. మానసిక వ్యాధితో బాధపడుతోందా? చాలామంది మహిళలు పని ఒత్తిడి లేదా ఏదేని ఇతర సమస్యలకారణంగా డిప్రెషన్ లో వుంటారు. ఒక ప్రేమించే భర్తగా మీరు ఆమె వేదనలను తీర్చటానికి ప్రయత్నించండి.
4. ఆమెకు ఇన్సూరెన్స్ కవరేజ్ వుందా? వైద్యపరంగా, ఆర్ధికంగా ఆమెకు జీవిత భీమా సౌకర్యం ఏర్పరచండి. సరిగ్గా మహిళా దినోత్సవం 2012 నాడు ఆమెకు ఒక పాలసీ తీసి ఇవ్వండి. నేను నీకు అండగా వున్నాను అన్న భావన కల్పించండి.
5. అన్నిటికి మించి విలువైన బహుమతి అంటే మీ సమయాన్ని ఆమెకు కేటాయించండి. రోజంతా ఆమెతో గడపండి. ఆమె సమస్యలు తెలుసుకోండి. మీ సమస్యలన్ని పరిష్కరించుకోండి.

ఈ అంశాలు పరిశీలించి మీరు అమితంగా ప్రేమించే మీ భార్యకు రక్షణ కల్పించండి మీ సంబందాలను మహిళా దినోత్సవం 2012 సందర్భంగా మరింత మెరుగుపరచుకోండి.