నా మొగుడ్ని ముద్దాడలేను...కంపు కొడతాడు!

Relationship

oi-Nageswara

By B N Sharma

Published: Friday, April 13, 2012, 16:58 [IST]

నేటి రోజులలో జంటల విడాకులకు ప్రధానకారణం చెప్పాలంటే ‘అసహనం’ జంటల మధ్య చోటు చేసుకుంటున్న అసహనమే వారి విడాకులకు ప్రధానకారణం అవుతోంది. మతపర అసహన శక్తులు, ప్రపంచ వ్యాప్తంగా తీవ్ర హింస కలిగిస్తున్నట్లు వ్యక్తిగత స్ధాయిలో అసహనం పెచ్చుమీరిపోతోంది. వివాహ జీవితాలలో సంక్షోభం సృష్టిస్తోంది. విడాకుల కేసులు చూస్తే అన్నీ చిన్న చిన్న కారణాలే కనపడతాయి. అన్నిటికి మించి వీరి అసహనం వారిని విడాకులు తీసుకునేలా చేస్తోంది. ఒకరంటే మరి ఒకరు సహించలేకపోవటం, ఎవరికి వారు గొప్పవారనే అహంకారం వీరిని వివాహ జీవితానికి దూరం చేస్తున్నాయి. విడాకుల కేసుల్లో చట్టబద్ధంగా వివరించిన కారణాలు కొన్ని పరిశీలించండి. ఈ కారణాలు ఎంత హాస్యాస్పదంగా వుంటాయో చూడండి. వీటిలో ఏ మాత్రం తీవ్రత వుండదు. జంటలు సీరియస్ గా తాము కలసి వుండాలనుకుంటే ఇట్టి కారణాలు అసలు వారికి సమస్యగా వుండవు.

డైవోర్సు కేసుల్లో వింత కారణాలు-
1. నా మొగుడు గుర్రు పెడతాడు - గతంలో భాగస్వామి ఎంత గుర్రు పెట్టినప్పటికి సర్దుకుపోయేవారు. కాని ఇపుడు దానిని సహించేవారు లేరు. ఉదయం 8 గంటల మీటింగ్ వుంటే రాత్రంతా భాగస్వామి గుర్రు కారణంగా నిద్రలేకుంటే....మీటింగ్ ముగించుకోవటం, తక్షం భాగస్వామికి విడాకులు ఇచ్చేస్తానంటూ లాయర్ ఆఫీస్ కు పరుగుపెట్టటం.

2. చెడు శ్వాస - జంటలకు ఇదో పెద్ద సమస్య. దీని కొరకు విడాకులా? ప్రాధాన్యతలు మారాయి. అదే రకంగా సహనం హద్దులు కూడాను. నా మొగుడ్ని ముద్దాడలేను...కంపు కొడతాడు! విడాకులు కోరే భాగస్వాములకు ఇదొక పెద్ద కారణం.

3. సతాయింపు - సుమారు పదేళ్ళ కిందట, ఒక విడాకుల కేసులో 12 సంవత్సరాల వైవాహిక జీవితానికి ...భార్య సతాయించేస్తోందంటూ గల కారణంచే విడాకులు ఇవ్వబడ్డాయి. ఇక అప్పటినుండి ఇప్పటివరకు ఈ కారణంగా ఎన్నో కేసులకు విడాకులు లభించాయి.

4. సిగ్గుపడే అమ్మడు - కొత్త పెళ్ళికూతురు సిగ్గుపడితే అందమే. అయితే, ఒకపురుషుడు...ఆమెకు సిగ్గు ఎక్కువ...మనిషిని చూస్తే మెలికలు తిరుగుతుంది. నోరు తెరిచి ఏనాడూ నవ్వలేదు. నేను సహించలేను అంటూ విడాకులు పొందాడు. మరి ఆమే కనుక గట్టిగా నవ్వేస్తే ఆ మహానుభావుడు ఏం చేసేవాడో మరి.

5. అత్తగారంటే అరికాల్లో మంట - అత్తగారంటే పడని అమ్మడు మొగుడుకి విడాకులిచ్చేసింది. తన వివాహ సమస్యలకు ఆమే కారణం అని చెపుతోంది. ఈ సమస్య ప్రాచీన కాలంనుండి వున్నప్పటికి నేడు అది జంటలు విడిపోవటానికి ప్రధాన కారణం కూడా అవుతోంది. పెళ్ళి కొడుకు, హనీమూన్ కు మా అమ్మ కూడా రావాల్సిందే...అంటే చాలు, అమ్మడు ఇచ్చేది విడాకుల కాగితాలే.

ఈ రకంగా విడాకులిచ్చేయడం ఈ రోజుల్లో సర్వసాధారణమైపోయింది. తమకు వచ్చిన సమస్యలను సైతం పరిష్కరించుకునే స్ధితిలో జంటలు లేరు. విడాకులకు గల ఈ వింతకారణాలు దాన్ని రుజువు చేస్తున్నాయి.