సంబంధాల సరదాలు - వికటిస్తే విరహాలు!

Relationship

oi-Nageswara

By B N Sharma

Published: Tuesday, April 24, 2012, 12:06 [IST]

ఇప్పటివరకు పాశ్చాత్య దేశాలనుండి మనం ఎన్నో పద్ధతులను అనుకరిస్తూ వస్తున్నాం. అయితే ఇపుడు అమెరికావంటి అభివృధ్ధి చెందిన దేశాలలో ఆఫీసుల్లో కష్టపడి పని చేసేవారంతా ఆఫీసు పనిలో సైతం ఒక భాగస్వామిని ఏర్పరచుకుంటున్నారు. పని అధికంగా వుందా? ఆఫీసు పెళ్ళాం లేదా ఆఫీసు మొగుడు అండగా నిలబడి ఆ అధిక పనికి సహకరిస్తారు. ఆఫీస్ లో బాస్ తో సమస్యలుగా వున్నాయా? ఆమె లేదా అతను మీకు అండగా నిలబడి బాస్ తో వ్యవహరిస్తారు. ఈ రకమైన ఆఫీస్ సంబంధంలో ఆమెను లేదా అతనిని వివాహమాడాల్సిన పనిలేదు.

సరళంగా ఒక అగ్రిమెంటు చేసుకోవడం ఇద్దరూ కలసి ముందుకు సాగిపోతూండటం. ఈ రకమైన ఆఫీస్ భాగస్వాములు అమెరికాలో నానాటికి పెరిగిపోతున్నారట. ఆరోగ్యం సరిలేకుంటే ఆఫీసులో కూడా ఒకరి కొకరు సేవలు చేసుకుంటారట. అచ్చం వివాహిత జంటలలానే ఒకరికొకరు విశ్వాసంగా వుండటం నీతి నిజాయతీలు, చనువు ప్రదర్శించుకోవడం చేస్తారు. ఒక సర్వేలో 69 శాతం మందికి ఆఫీసుల్లో ఒక భాగస్వామి అంటే భార్య లేదా భర్త వుండటం సరి అని ఒప్పుకున్నారట.

అయితే, వీరికి రొమాంటిక్ టచ్ మాత్రం లేదుట.మరి ఈ ఆఫీస్ సంబందంలో వయసు ఎంతైనా వుండవచ్చు. ఒకరు 20 ఏళ్ళ వారైనా వారికి 50 ఏళ్ళ వయసు వారు భాగస్వామిగా వుండవచ్చు. కష్టకాలంలో అడ్డుపడటమే వీరి ధ్యేయంగా వుంటుంది. బాస్ చివాట్లు వేస్తుంటే, ఆమె లేదా అతడు సైతం వచ్చేసి పక్కనే నిలబడి తమవంతు చివాట్ల వాటా కూడా తీసుకొని బయటకు వెళతారట. ఒకే కంపెనీ లేదా ఆఫీస్ లో పనిచేస్తున్నవారైతే ఆ ఆఫీస్ నిబంధనలు సైతం ఇద్దరికి బాగా తెలుసుకనుక వీరి సాహచర్యం ఆదర్శకరమేనని నిపుణులు చెపుతున్నారు.

అయితే, ఈ రకమైన ఆఫీస్ సంబంధాలలో, వైవాహిక జీవితంలోని భాగస్వామి కల్పించుకొని అభ్యంతరాలు తెలిపే పరిస్ధితికూడా వుంటుందంటున్నారు. అయితే, మీరు సమర్ధవంతులైవుండి అటు ఆఫీస్ పెళ్ళాం లేదా మొగుడిని ఇటు ఇంటి పెళ్ళాం లేదా మొగుడిని ఇద్దరిని కనుక నిర్వహించగలిగితే మరేం పరవాలేదు.