కోర్కె తీర్చుకోవడం ఏమంత వ్యవహారం?

Relationship

oi-Nageswara

By B N Sharma

Published: Saturday, April 21, 2012, 14:23 [IST]

కోరిక తీర్చేసుకోవడం ఏం కష్టం కాదు అంటారు నేటి టీనేజర్లు. చిన్న వయసు యువతీ యువకుల్లో కోర్కె తీర్చుకోవడమనేది ఒక సాధారణ చర్చ అయిపోయింది. కాలేజీ విద్యార్ధులు చాలామంది ఏ బాదరబందీ లేని ఈ తాత్కాలిక కోరిక తీర్చుకునే సంబంధానికి ఎంతో అనుకూలంగా వుంటారు. చాలా కాలేజీలలో ఈ వ్యవహారాలు నడుస్తున్నాయి. అనుబంధం లేదా భవిష్యత్ ఆందోళన ఏమీ వుండవంటారు. వీరి ధ్యేయం అల్లా ప్రస్తుతంలో పూర్తిగా ఆనందించేయటమే. ఒక స్నేహితుడితో శారీరక సంబంధం ఎపుడు కోరితే అపుడు వాంఛ తీర్చుకోవడం యువతలో సాధారణమైంది.

వీరికి శారీరక కోర్కెలు తీరిపోతున్నాయి. భాధ్యత అనేది వారి ఆలోచనలో లేదు. సింగల్ గా వుండే టీనేజర్లు ఈ రకమైన తాత్కాలిక సంబంధం అనేది ఒక చిన్న పరిష్కారంగా వుందని ఏ రకమైన టెన్షన్ లేకుండానే అవసరాలు తీరతాయని భావించేస్తున్నారు. బాదరబందీ లేని సంబంధం మంచిదే. చాలామంది టీనేజర్లకు స్వేచ్ఛ, ఎపుడుకావాలంటే అపుడు నిలిపేసుకుంటూ స్వతంత్రంగా జీవించవచ్చు.

కాలేజీ సంబంధాలు పెరిగిపోతున్నాయి. భాధ్యతలు తగ్గటం, శారీరక కోరికలు పెరగడం జరుగుతోంది. కాలేజీ సంబంధం అనేది ఒకే వ్యక్తితో కావచ్చు లేదా సందర్భాన్ని బట్టి మరింతమందితో కూడా కావచ్చు. అయితే, కొన్ని సార్లు వీరి రహస్యలు వేరేవారికి తెలియటం, గుసగుసలు, వారి నడవడికపై ప్రశ్నలు ఎదురవుతున్నాయి. కనుక కాలేజీ సంబంధాలపట్ల యువత జాగ్రత్త వహించాలి.

కాలేజీ సంబంధం తర్వాత భవిష్యత్తుపై వారికి నమ్మకముండాలి. విడిన తర్వాత ధైర్యంగా నిలబడాలి. కొన్ని మార్లు ఈ సంబంధాలే ప్రేమవరకు తీసుకువెళుతున్నాయి. కారణం...శారీరక కోర్కెల అలవాటే. కనుక కోర్కె తీర్చుకోవడంలో కూడా జాగ్రత్తగా వ్యవహరించి వదిలేయాలి. మరో చిట్కాగా మీ కాలేజీ సంబంధం భాగస్వామితో ఏ రకమైన భవిష్యత్తు ముడిపడి వుండదని తెలుసుకోండి. మరిద్దరూ తాత్కాలిక అవసరాలకే కలిశారు. ఏ బాదరబందీలు లేవు, భవిష్యత్తు కూడా లేదు.

ఈ కొద్ది చిట్కాలు కాలేజ్ సంబంధాలకు వర్తించేవి. అయితే భవిష్యత్తు కూడా మీకు కావాలంటే మంచి సంబంధం ఏర్పరచుకోండి.