పెళ్ళి కళ....జంటల ముఖం తళ తళా....!

కొత్త జంటలను గుర్తించే అయిదు మార్గాలు
1. అందరికి తెలియాలి - కొత్త జంటలు వారి కొత్త వైవాహిక జీవితం ప్రతినిమిషం గొప్పగా వుండాలని భావిస్తారు. ఎపుడూ ఫొటోలు తీసుకుంటూ వుంటారు. బ్రహ్మండమైన మాల్ లేదా, ఫుట్ పాత్ లేదా బజారు కుక్కల పోట్లాట ఏదైనా సరే వారికి ఆనందంగా వుండి అటువంటి వాటితో కలసి క్లిక్...క్లిక్...క్లిక్.

2. ముసి ముసి నవ్వులు - కొత్తగా పెళ్ళైన జంటలు ఒకరంటే మరి ఒకరు ముసి ముసి నవ్వులు నవ్వుకుంటారు. వారేదో ఒక అద్భుతాన్ని సాధించినట్లు అతి కష్టంగా ఒకరినొకరు కనుగొన్నట్లు భావిస్తారు. రహస్యం పంచుకుంటారు. అవగాహనలో ఇది మొదటి భాగంగా వుంటుంది. ఆ రకంగా వారు సంభాషించుకునేటపుడు వారిని తేలికగా గుర్తించవచ్చు.

3. ఆహారం పంచుకోవడం - కనీసం ఒక దశాబ్దంపాటైనా వారు తినే ఆహారాలను, ఐస్ క్రీం వంటివాటిని కలిసే తింటారు. అదొక తమాషాగా భావిస్తారు. ఈ పనిని వారు నియంత్రించుకోలేరు. ఎక్కడపడితే అక్కడ ఆహారం పంచేసుకుంటారు కనుక వారిని తేలికగానే గుర్తించవచ్చు.

4. చేతులు పెనవేసుకుంటారు - ఈ చేతులు పట్టుకొని నడవటమనేది ముసలి దంపతులు కూడా చేస్తారు. అయితే, కొత్త జంటలు చేతులు పట్టుకోవడం విభిన్నంగా వుంటుంది. మహిళ తాను పూర్తిగా అతనిపై ఆధారమనే రీతిలో గట్టిటగాపట్టుకోగా, పురుషుడు తానొక హీరో వలే ఆమెను రక్షించే వ్యక్తివలే దానిని అలవోకగా పట్టుకుంటాడు. కనుక గుర్తించేయండి.

5. పెళ్ళి కొత్తగా అయిందనేందుకు మరో గుర్తు - నగలు...ప్రతి వివాహ సాంప్రదాయంలోను వివాహానికి కొత్తరకం నగలు ధరిస్తారు. వెడ్డింగ్ రింగ్, వాటిలో ఒకటి. అంతేకాక, మహిళలు తమ మెడలోని నగలు సైతం ప్రదర్శించటానికి ఉత్సాహ పడతారు. కనుక ఈ అంశంగా కూడా కొత్త జంటలను తేలికగా గుర్తించేయవచ్చు.

ప్రియ పాఠకులారా....మీరు కనుక మరిన్ని సంకేతాలను కొత్త జంటలలో గ్రహించినట్లయితే, మాకు తప్పక వ్రాయండి.